«Zoom» платформасында «Химиялық кинетика» бойынша интеллектуалдық жарыс сабағын физикалық химия, катализ және мұнай химиясы кафедрасының аға оқытушысы Супиева Ж.А. құрастырған. Лектор Супиева Ж.А. «Химиялық кинетика және электрохимия» дисциплинасына студенттер арасында өзара қызығушылықты таныту мақсатында жүргізді. Сайысқа «Бейорганикалық заттардың химиялық технологиясы» 2-курс студенттерден тұратын «Энергия», «Реакция» және «220 вольт» топтары қатысты.

Әділқазылар алқасы ретінде: физикалық химия, катализ және мұнай химиясы кафедрасының к.х.н., доценті Тусупбекова А.С. және химиялық физика және материалтану кафедрасының 3-курс PhD докторанты Таурбеков А.Т. тағайындалды. Сайыс 6 кезеңнен тұрды. Сайыста, сондай-ақ, бейне-сұрақтар алдын ала дайындалды, физикалық химия, катализ және мұнай химиясы кафедрасының меңгерушісі Аубакиров Е.А., аға оқытушысы Бәкірова Б.С. және 1-курс PhD докторанты Нуртазина Н. қатысуымен видео түсірілді. Жалпы сайыстың қорытындысын әділ қазылар алқасы қорытып шығарды, «220 Вольт» тобы жеңімпаз атанды. Жарыс сабағына студенттер де, мұғалімдер де өте қызығушылықпен қатысты.

Аға оқытушы Супиева Ж.А., к.х.н., доцент Тусупбекова А.С.

@kaznu_farabi

@chemfac_kaznu

@kaznu_physcat