Алматы қаласы, Алатау ауданына қарасты №152 орта мектепте Кеңес әскерлерінің Ауғанстаннан шығарылғанына 30 жыл толуына орай: «Ауғанда қалған жастығы» атты танымдық-патриоттық кездесу өткізілді. Осы мектеп оқушыларына Ауған соғысына қазақстандықтардың қатысуын, бұл соғыстың қилы кезеңдерін, соғыстағы адам және экномикалық-техникалық шығындар туралы айтылды.Сонымен қатар жас ұрпақты отанүйгіштікке баулитын әңгімелер айтылды. Іс-шараның барысында патриоттық әндер шырқалып, оқушылар тағлымды әсерлер алды

2019 ж. 7 ақпанда институтта ҚР Мәдениет және спорт министрлігінің «Архив-2025» орталығының директоры Б. Әбдіғалимен кездесу өтті. Шетелдерден бұрын әкелінген мұрағат материалдарының тізілімін құру, Институт қызметкерлерінің әлемдегі ең ірі мұрағат қоймаларына шығу тәртібі талқыланды. Сонымен қатар, осы бағдарлама бойынша қатысушыларға арналған тиісті нұсқаулықтарды әзірлеу және бекітуі ұсынылды. Институт директоры З. Қабылдинов келген қонаққа президенттік тапсырманы сапалы орындау үшін қызметкерлердің дайын екендігін сендірді.

Тарих, археология және этнология ғылымдарының кандидаты, профессоры Қозыбақова Фатима Ақынбайқызының және Филология және әлем тілдері факультеті «шетел филологиясы: ағылшын тілі» мамандығы 1-курс студенттерінің қатысуымен «Рухани жаңғыру» және «Ұлы даланың жеті қыры» жобалары аясында  Қарға тамырлы қазақ үшін, айбарлы алты алаш үшін жанын қиған асыл арыстарымыздың бірі - Міржақып Дулатұлының өмірі мен шығармашылығына арналған тарихи-танымдық ғылыми-конференция.

Әл-Фараби атындағы Қазақ ұлттық университетінде Кеңес әскерлерінің Ауғанстаннан шығарылғанына 30 жыл толуына орай: «Ауғанстанды тұрақтандыру мәселелері» атты ғылыми-практикалық конференция өткізілді.

 Конференция барысында Ауған соғысына қатыскан қазақстандықтар қатысуы мен шығыны туралы баяндама жасады.

Институтқа Ұлы түркі құрылтайының шақырылымы бойынша Халықаралық ұйымдастыру Комитетінің төрағасы Ибрағим Халил Нариманоғлы Балайоғұллары келді. Кездесу барысында Шоқан Уәлихановтың таңдалған еңбектерін әзірбайжан тіліне аудару, оларды Бакуде жариялау және тұсаукесерін өткізу туралы келісімге қол жеткізілді. Келген қонақ Әзірбайжан Тарихы институтымен ынтымақтастық туралы келісім жасасу бойынша жәрдемдесуге уәде берді.

Әл-Фараби атындағы Қазақ ұлттық университеті тарих, археология және этнология факультеті ұйымдастыруымен 2019 жылы 25 қаңтарда «XXI ғасырдағы ұлттық тарихи сана және қоғамның жаңғыруы» атты Елбасы Н.Назарбаевтың «Болашаққа бағдар: рухани жаңғыру» жалпыұлттық бағдарламасы мен «Ұлы Даланың Жеті қыры» мақаласында қойылған міндеттерді шешуге арналған республикалық ғылыми-практикалық конференция өткізілді. Конференцияға басты пленарлық мәжілісінде тақырып төңірегінде баяндама оқып, пікір білдірген бірқатар ғалым, зерттеушілер қатысты. Олар: ҚР ҰҒА академигі, т.ғ.д., профессор Көмеков Болат Ешмұхамедұлы, А.Байтұрсынұлы атындағы тіл білімі институтының директоры, филол.ғ.д., профессор Қажыбек Ерден Задаұлы, ҚР ҰҒА құрметті академигі, Орталық Азияның дәстүрлі өркениеттерін зерделеу республикалық ғылыми-зерттеу орталығының директоры әл-Фараби атындағы ҚазҰУ, т.ғ.д., профессор Омарбеков Талас Омарбекұлы, Тұран-Иран ғылыми-зерттеу орталығының директоры, филол.ғ.д., профессор Жеменей Ислам, Ш.Ш. Уәлиханов атындағы тарих және этнология институтының директоры, т.ғ.д., профессор Кабульдинов Зиябек Ермұханұлы, әл-Фараби атындағы ҚазҰУ дүниежүзі тарихы, тарихнама және деректану кафедрасының профессоры, т.ғ.д., Геттинген университетінің құрметті профессоры Жұмағұлов Қалқаман Тұрсынұлы, әл-Фараби атындағы ҚазҰУ Қазақстан тарихы кафедрасының меңгерушісі, ҚР ҰҒА корр.-мүшесі, т.ғ.д., профессор Кәрібаев Берекет Бақытжанұлы, әл-Фараби атындағы ҚазҰУ археология, этнология және музеология кафедрасының профессоры, т.ғ.д. Төлеубаев Әбдеш Ташкенұлы.

Конференция барысында Қазақстанның жаһандық тарихтағы нақты рөлін көрсету мен бағалуға қатысты түйінді мәселелер, XXI ғасырдағы ұлттық тарихи сананы қалыптастыру жолдары мен қоғамның жаңғыру мәселелері талқыланды.

Қазақстан тарихы кафедрасының оқытушы-профессорлары және 1,2 курс студенттері Қареқет әлеуметтік ток-шоу бағдарламасына қатысты. Әбілқайыр хан - қолбасшы, ширек ғасырдан астам уақыт билік құрған Кіші жүз ханның тұлғасы талқыланды

2019 ж. 11-13 қаңтарда Институтта «Орталық Азиядағы әлеуметтік және мәдени тәжірибені дамыту: тарих және қазіргі заман» атты дөңгелек үстел аясында тренинг өткізілді. Іс-шараға Институт өкілдері – директор, т.ғ.д., профессор З.Е. Қабылдинов, к.и.н., доцент А.С. Уалтаева, к.и.н., доцент Б.Қ. Смағұлов, докторанттар Ф. Лебаев пен Куркеев; әл-Фараби ат. Қазақ ұлттық университетінің өкілдері (Н. Исаева, Г. Билялова), сонымен қатар Тәжікстан мен Қырғызстаннан ғалымдар (З. Мадамиджанова және т.б.) қатысты.

Қазақстан, Тәжікстан және Қырғызстан ғалымдары осы тренингке арнайы әзірленген мәтіндік материалдарға негізделген топтық және жеке тапсырмаларды орындады. Тапсырмалар Орталық Азия елдеріндегі экологиялық және экономикалық проблемаларды анықтайтын мәтіндер бойынша жұмыс жасау және ғылыми әдістерді (Фишбоун «балық» әдісі және т.б.) пайдалана отырып анықталған мәселелердің шешу жолдарын ұсыну, қазақ, қырғыз және тәжік халықтарының дәстүрлі мәдениетіне қатысты кең ауқымды мәселелерді талдауды қамтамасыз етті.

Тренинг қорытындылары бойынша «Тарих», «Экология» және «Экономика» бөлімдерін қамтамасыз ететін, магистранттарға арналған арнайы курстың тақырыптық мазмұны анықталды. Курстың практикалық енгізілуі 2019 ж. 14 қаңтарынан жоспарланады.

Институтта Анкарадағы (Түркия) Хаджеттепе университетінің профессоры Мехмет Дервиш Клынчкаямен кездесу өтті. Іс-шараға Институт директоры, т.ғ.д. З.Е. Қабылдинов, директор орынбасары, т.ғ.к. С.М. Борбасов, директор орынбасары, т.ғ.к. Ә.Қ. Шашаев, ғалым хатшы, PhD доктор М.М. Қозыбаева, бас ғылыми қызметкер, т.ғ.к. Н. Әлімбай, Этнология және антропология бөлімінің меңгерушісі, т.ғ.к. Г.У. Орынбаева, жетекші ғылыми қызметкер, т.ғ.к., доцент С.К. Рүстемов және т.б. қатысты.

Кездесу барысында тараптар Scopus базасына кіретін СTAD: JOURNAL OF MODERN TURKISH HISTORY (ISSN: 1305-1458 E-ISSN: 2147-1592) ғылыми журналында Институт қызметкерлерінің мақалаларын жариялау туралы мүмкіндіктерді талқылады. Қазіргі уақытта бұл журналда Түркия мен көрші елдерінің тарихы бойынша түрік және ағылшын тілдерінде мақалалар жарияланады. Сонымен қатар, ынтымақтастық туралы меморандумға қол қою, институттың магистранттары мен докторанттары тағылымдамадан өту туралы мүмкіндіктер талқыланды.

Ш.Ш. Уәлиханов ат. Тарих және этнология институтында Ага Ханның «Адамтану ғылымы» жобасы аясында  «Орталық Азиядағы әлеуметтік және мәдени тәжірибені дамыту: тарих және қазіргі заман» атты дөңгелек үстел өтті. Дөңгелек үстелге Қазақстан, Тәжікстан және Қырғыстанның ғалымдары қатысты.

Құттықтау сөзін Институт директоры, профессор З.Е. Қабылдинов пен Орталық Азия университетінің Ага Ханның «Адамтану ғылымы» жобасының директоры Шозимов Пулат Давронович (Тәжікстан) сөйледі.

«Тарих» бөлімі материалдарының дамуы бойынша жобаны іске асыру барысы туралы З.Е. Қабылдинов, З. Мадамиджанова (Тәжікстан), А. Мокеев (Қырғыстан) баяндама жасады. Материалдың талдауы мен тұжырымдамалық көрсеткіш (кейс стади, педагогикалық әдістеме) туралы проф. Г.К. Билялова баяндады.

«Экология» бөлімі материалдарының дамуы бойынша жұмыс авторлары – проф. Э. Шукурова  (Қырғыстан), К. Кабутова (Тәжікстан),  Р. Ященконың есептері тыңдалды. Материалды ұйымдастыру бойынша қорытындыларын Х. Шамбеталиева (Қырғыстан) жасады.

«Экономика» бөлімінің материалдарын дамыту бойынша жұмыс авторлары - проф. Э. Лайлиева (Қырғыстан), Д. Ахмед – Заки (Қазақстан), Х .Умарованың  (Тәжікстан) есептері қызықты болды. Кейс стади құруы бойынша А. Джураев (Тәжікстан) қорытындыларын шығарды.

Дөңгелек үстелдің қорытындылары бойынша Ш.Ш. Уәлиханов ат. Тарих және этнология институтында 2019 ж. 14 қаңтарынан магистрлік курстың стратегиясы мен енгізу тәсілдері анықталды.