Мен жастарға сенемін
Көрулер: 5066
Президентіміздің жарлығы бойынша 2019 жылы жастар жылы болып қабылданды. Осыған орай, ақпан айының 19-шы жұлдызында әл- Фараби атындағы ҚазҰУ-дың журналистика факультеті, ЮНЕСКО, халықаралық журналистика және қоғамдық медиа каферасы арнайы іс-шара өткізген еді. Шараны 3 курс PR тобының кураторы Баян Асқарқызы ұйымдастырған болатын.
Арыстандай айбатты,
Жолбарыстай қайратты,
Қыран құстай қайратты,
Мен жастарға сенемін!
деген Мағжан Жұмабаевтың өлең жолдарымен басталды бүгінгі кураторлық ашық сабақ. Бастапқыдағы 10 минуттық сергітуден соң, студенттер өзара үш топқа бөлініп жарысты. Жастардың болашаққа деген сенімдерін үш түрлі көзқараста ортаға талқыға салып, көзқарастарымен бөлісті. Олар хұқықтық , экологиялық және салауатты өмір салты бойынша көзқарастар болатын. Жастар көптеген жаңашыл ұсыныстарын айтып, тың идеялармен бөлісті. Арнайы алынған мамандық қалпақшалар мен мойынға тағатын галстуктер студенттердің образға кіріп, шынайы көзқарастарын білдіруге жақсы септігін тигізгені анық. Студенттер плакаттарына тақырыптарының өзектілігін анықтап жазып, мақсат-міндеттерін айшықтап көрсетіп бере алды. Суреттен сабаққа өте белсенді атсалысып, студенттердің тақырыпқа қызыққандарын байқау қиын емес.
Ашық сабақтың мақсаты – ел басының жастар бағдарламасын насихаттай отырып, жастар арасындағы патриоттық сезімді нығайту.
Мұсаева Баян Асқарқызы.