«Қазақ эстетикасы», «Дәстүрлік өнермен әлемді тану» тақырыбында ашық дәріс және ашық семинары өтті
2019 жылдың 6 ақпан күні Халықаралық байланыстар факультетінде Философия және саясаттану факультеті «Дінтану, мәдениеттану, исламтану» кафедрасының 1 курс PhD докторанты Мұқатаева Салтанат Амантайқызының «Қазақ эстетикасы», «Дәстүрлік өнермен әлемді тану» тақырыбында ашық дәріс және ашық семинары өтті.
Мақсаты – қазақ халқының эстетикасын, дәстүрлік өнерін дәріптеу, мол ақпарат беру, эстетикалық-мәдени құндылықтарды құрметтеуге жастарды тәрбиелеу.
Сабақтар барысында дәріс оқылып, презентация көрсетілді, семинарда арнайы жеке тақырыптар бойынша тапсырмалар беріліп, студенттер ой-пікірлерін қағаздарға түсірді, қосымша сұрақтарға жауап беріп, сабақтың мазмұнды өтуіне ат салысты. Ашық дәріс пен семинар қызықты өтіп, студенттер көңілінен шықты.
Ашық сабақтарға педагогикалық практика жетекшісі Ә.Өмірбекова, мәдениеттанушы докторанттар қатысты.
