Жаны саудың тәні сау
2022 жылдың 26 қараша күні әл-Фараби ат. ҚазҰУ философия және саясаттану факультетінің дінтану және мәдениеттану кафедрасының қызметкерлері және докторанттары «Жаны саудың тәні сау» жобасы аясында PhD доктор, Малайя университетінің (Малайзия) профессоры, ислам тарихы және өркениеті кафедрасының меңгерушісі Мохд Рослан Мохд Нор (Mohd Roslan Mohd Nor) бірге Шымбұлақ тау-шаңғы кешеніне барды. Кафедраның ұйымдастыруымен өткен іс-шарада профессор Мохд Рослан ислам және мультикультурализм, дінтану және өркениет мәселелерін және т.б. еркін тақырыптарда әңгіме өрбіді. Іле Алатауы, Тянь-Шань шатқалының беткейлерін тамашалап, таза ауада серуендеп қайтты.
Ұйымдастырушылар: дінтану және мәдениеттану кафедрасының PhD, аға оқытушылар Альджанова Н.К., Мұқан Н., философия кафедрасының оқытушысы Хумархан Ж., «Дінтану» мамандығының 1 курс докторанты Болатжан Ә.
