БББ атауы

6В04109 Цифрлық экономика

Білім саласы

6В04 Бизнес, басқару және құқық

Дайындау бағыты

6В041 Бизнес және басқару

Білім беру бағдарламаларының тобы

В046 Қаржы, экономика, банктік және сақтандыру ісі

Мақсаты

Білім беру бағдарламасының мақсаты жергілікті және жаһандық еңбек нарығының өзекті талаптарына сәйкес келетін мақсаттары мен құндылықтары бар, экономика саласында ақпараттық технологияларды қолданудың терең дағдылары бар, цифрлық ресурстарды пайдалана отырып цифрлық экономиканы, электрондық бизнесті және коммерцияны дамыту саласындағы міндеттерді шешуге қабілетті кәсіби кадрларды сапалы даярлау болып табылады

Оқыту тілі

қазақ / орыс / ағылшын

Кредит көлемі

240

Иемденетін академиялық дәреже

«6В04109 Цифрлық экономика» білім беру бағдарламасы бойынша бизнес және басқару бакалавры

Оқыту нәтижелері

Осы білім беру бағдарламасын аяқтағаннан кейін студенттер келесі қабілеттерге ие болады деп күтілуде:

1) Кәсіпорынның (ұйымның) байланыстарын қосылған құн тізбектерінің ғаламдық желісіне енгізу арқылы және олардың елдің макро - және микроэкономикалық көрсеткіштеріне әсер ету дәрежесін талдай және анықтай отырып, сондай-ақ, бизнес-процестердің циклділігін, жаһандануын және цифрлануын ескере отырып, оның  цифрлық трансформациясына қажетті инфрақұрылымды ұйымдастыру;

2) Кәсіпорындардың (ұйымдардың) бизнес-процестерін стратегиялық басқару үшін және цифрлық экономика саласы мен сыртқы саудада олардың қызметінің жаңа форматын құру үшін инновациялық технологияларды және ЕАЭО кеңістігінде, әлемдік экономикада халықаралық бизнесті жүргізу кезінде электрондық коммерцияның, төлем жүйелерінің және электрондық транзакциялардың нысандары мен жүйелерін пайдалану;

3) Цифрлық экономикадағы электрондық үкіметтің рөлін талдау, ол үшін оның «мемлекет-азаматтар» (G2C), «мемлекет-бизнес» (G2B) сияқты халықпен және бизнеспен өзара әрекеттесу секторларында қолданатын ақпараттық-коммуникациялық технологиялардың тиімділігін бағалай отырып, азаматтардың өмір сүру сапасын жақсарту және елдегі бизнесті дамыту мәселелерінің инновациялық шешімдерін анықтау;

4) бағдарламалау тілдері мен әдістерін, экономикадағы АКТ мен жүйелердің жаңа түрлерін қолдана отырып, «толассыз» цифрлық технологияларды (үлкен деректер, блокчейн, жасанды интеллект, кванттық және жаңа өндірістік технологиялар, өнеркәсіптік Интернет және т.б.) дамытудағы трендтерді талдай отырып, кәсіпорында (ұйымда) ресурстарды/процестер мен тәуекелдерді бөлу және пайдалану жөніндегі жаңа міндеттерді модельдеу;

5) виртуалды саладағы кәсіпорындар (ұйымдар) үшін қаржылық және экономикалық есептеулерді жүргізіп және экономикалық, қаржылық, бухгалтерлік есеп деректері негізінде бизнес-талдау құралдарын қолдана отырып, бизнес-процестердегі тәуекелдер мен өзгерістерді бағалап, экономикалық жоспарлар мен бюджеттерді құру;

6) бухгалтерлік есеп пен аудитте, қаржы мен маркетингте сандық құралдарды, логистика мен электрондық коммерцияда блокчейн технологияларын қолдану, сонымен қатар олардың нақты және виртуалды ортадағы кәсіпорын (ұйым) қызметіне әсерін бағалай және талдай отырып, бизнес-процестердің тиімділігі мен бәсекеге қабілеттілігін арттыру үшін оларды қолданудың жаңа тәсілдерін анықтау;

7) халықаралық венчурлық қаржыландыру және инновациялық (R&D) бизнес модельдерін зерттеу және сандық ортадағы тәуекелдер мен қауіптерді анықтау, талдау, жіктеу және оларды азайту бойынша іс-шаралар кешенін әзірлей отырып, саланың, аймақтың және тұтастай алғанда ұлттық экономиканың цифрлық инновациялық дамуы үшін жаңа шешімдерді ұсыну негізінде кәсіпорындар (ұйымдар) үшін аналитикалық шолулар (есептер) жасау;

8) электрондық коммерцияны дамыту үшін экономиканың жаңа нарықтары мен секторларын маркетингтік зерттеу барысында B2C тиімді сату арналарын анықтау, HTML/CSS, Javascript, Python және т.б. бағдарламалау тілдерін қолдана отырып, веб-сайттары мен мобильді қосымшалары бар электронды дүкендерді құру, олардың тиімділігі мен бәсекеге қабілеттілігін бағалау және талдау негізінде кәсіпорындарға (ұйымдарға) арналған бизнес-жоспарлар мен ақылды келісімшарттар құрастыру;

9) эконометрикалық, микро-және макроэкономикалық модельдерді қолдана отырып, цифрлық экономиканың дамуын оның технологиялық, мінез-құлық, институционалдық-құқықтық ерекшеліктерін ескере отырып модельдеу, жалпы Қазақстан экономикасының даму перспективаларын болжау үшін модельдеу негізінде талдамалық есептер жасау;

10) экономикадағы ғылыми, жобалық және технологиялық міндеттерді шешуге бағытталған инновациялық бағдарламалық өнімдерді қолдана отырып, үлкен деректермен жұмыс істей отырып, цифрлық құралдар мен бағдарламалық өнімдердің көмегімен қолданыстағы әдістерді, технологияларды, сату арналарын жетілдіру және өндірістің немесе бизнестің тиімділігін арттыру бойынша ұсыныстар жасау,

11) ұлттық криптовалютаны, қаржылық және төлем жүйелерін, қызметтерді және цифрлық ортадағы бизнес-процестерді дамытудың жаңа модельдерін әзірлеу, оларды мемлекеттік реттеудің шетелдік тәжірибесіне сүйене отырып, әлемдік криптовалюталар нарығы мен ICO нарығының қазіргі тенденциялары мен ерекшеліктерін талдау, салыстыру;

12) кәсіби міндеттерді шешу үшін әртүрлі ақпарат көздері мен құралдарын пайдалана отырып, іскерлік қарым-қатынас, ақпараттық мәдениет негізінде кәсіби қызметтің стандартты міндеттерін шеше отырып, командада тиімді жұмыс істей отырып, жеке және көшбасшылық дағдыларды, жүйелі қолданбалы ойлауды дамыту;

Талапкерлер үшін

Welcome.kaznu.kz https://welcome.kaznu.kz/kz/education_programs/bachelor/speciality/2189