Цифрлық Қазақстан - бұл еліміздің әрбір тұрғыны өзінің смартфоны/компьютері арқылы көптеген маңызды іс-әрекеттер жасайтын болашақ. Бұл ретте, ең құнды ресурстар-уақыт пен энергия жұмсамайды. Бұл болашақ бүгіннен бастуда. Мен, Айя Дарханқызы өз кезегінде еліміздің жетекші жоғары оқу орындарының оқытушысы ретінде қашықтықтан оқыту процесінде заманауи технологияларды пайдалана отырып, бұған көз жеткіздім.
География және табиғатты пайдалану факультетінің тұрақты даму бойынша ЮНЕСКО кафедрасының меңгерушісі, г.ғ.к., доцент м.а. Базарбаева Тұрсынкүл Амангельдиевна «2019 жылдың ең үздік оқытушысы» атанды. Кафедрамыздың меңгерушісін осындай жетістігімен кафедра атынан құттықтаймыз!
10 наурыз 2020 жылы №4 студенттер үйінің мәдениет залында "Тыңдай білу, түсіне білу, сендіре білу, түсіндіре білудің артықшылықтары" тақырыбында іс-шара өткізілді.
2020 ж. 28 қаңтар күні Әл-Фараби атындағы Қазақ ұлттық университетінің география және табиғатты пайдалану факультетінің профессор-оқытушылар құрамының Жапония елінің Цукуба университетінің өкілдерімен кездесуі өтті.
2019 жылдың 23 қарашасы мен 2 желтоқсаны аралығында метеорология және гидрология кафедрасының "Гидрология" мамандығы бойынша магистранттары мен PhD студенттері Қытайдың алдыңғы қатарлы ғылыми орталықтарының бірі – Пекин қаласында орналасқан ҚХР Ғылым Академиясындағы аэроғарыштық зерттеулер институтында (AIR CAS) тағылымдамадан өтті.
2019 жылдың 3-қаңтарында Метеорология және гидрология кафедрасының жас ғалымдары мен докторанттары U-INSPIRE Central Asia (DACRYN) апаттар қаупін төмендету (әрі қарай – АҚТ) бойынша жас ғалымдар желісі мүшелерінің кездесуіне қатысты. АҚТ үшін ғылымдағы жастар желісін дамыту және Орталық Азия елдеріндегі DACRYN қызметі туралы баяндамалар жасалды. Сонымен қатар, сел тасқындарына, сырғыма, құрғақшылық және жер сілкіністеріне жедел жауап беру бойынша «Жаздық лагерьлер» жобасы дайындалды.
ҚазҰУ кітапханасының мәжіліс залында география және табиғатты пайдалану факультетіндегі рекреациялық география және туризм кафедрасының ұйымдастыруымен «Туризм саласын дамытудың қазіргі заманғы мәселелері» атты VIII халықаралық ғылыми-практикалық конференция өтті.
2019 жылдың 28 қарашасында сағат 15:00-де, БАЗ 1 залында Укашев Жерғалбек Исакеевичпен - көшбасшылық туралы кездесу өтті. Кездесу барысында төтенше жағдайлардың қаупін азайту және олардың салдарын азайтудың тиімді тетіктерін қамтамасыз ету мәселелері қозғалды. Укашев Жерғалбек Исакеевич біздің студенттерді жұмысқа шақырды. Болашақта бірге тығыз байланыста жұмыс жасаймыз деп ойлаймыз.
Айналаңды нұрландыр бағдарламасы аясында Тұрақты даму бойынша ЮНЕСКО кафедрасының оқытушылары мен «Невада-Семей» жастар ұйымының белсенділері 2019 жылдың 26 қарашасында Ғ. Мүсірепов атындағы мемлекеттік академиялық балалар және жасөспірімдер театрында Семей полигонының қасіретіне арналған «Жан даусы» атты қойылымға барды.
ЮНЕСКО-ның бас конференциясы екі жылда бір рет өткізіледі және ұйымның бюджетін және келесі кезеңге бағдарламаларды қабылдайды. Францияның Париж қаласының ЮНЕСКО штаб квартирасында 2019 жылдың 12-14 қарашасында өткен реті бойынша 40-шы конференцияға әл-Фараби атындағы ҚазҰУ атынан тұрақты даму бойынша ЮНЕСКО кафедрасының меңгерушісі, г.ғ.к. Базарбаева Т.А. қатысты. Конференция 4 ТБО, инклюзивті білім беру, ұтқырлық және үздіксіз оқыту мәселелеріне арналды.
