Табиғат біздің өмір сүруіміз үшін өте маңызды: табиғат бізді оттегімен қамтамасыз етеді, ауа-райын реттейді, дақылдарымызды өсіреді, біз үшін тамақ және талшық өндіреді. Бірақ қазіргі таңда табиғатқа кері әсер тигізіліп жатыр. Адам әрекеті жер бетінің шамамен 75%-ын өзгертті, жануарлар әлемі мен табиғатты планетаның өте кішкентай бұрышына ығыстырды.

Еліміздің тұрақты даму мақсаттарының бірі – жер бетіндегі экожүйені қорғау және қайта қалпына келтіру болып табылады. Осы мақсатта жоғары оқу орнына дейінгі дайындық кафедрасының биология-химия пәндерін таңдаған топ тыңдаушылары «Ғылым ордасы» мұражайына барып қайтты. Мұражайда сирек кездесетін, қызыл кітапқа енген жан-жануарлар мен өсімдіктер туралы мағлұмат жинап, оларды қалай сақтап қалуға болатынын біліп қайтты.

Жер бетіндегі тіршілікті сақтап қалу, экожүйені қалпына келтіріп отыру – тұрақты даму мақсаттарының бірі. Осы бағыт бойынша Жоғары оқу орнына дейінгі дайындық кафедрасында «Жауқазын» танымдық клубы жұмыс істейді. Клуб мүшелері өсімдіктерді, соның ішінде бөлме гүлдердің қандай түрлері бар екенін, гүлдерін қалай баптау керек және қалай көбейтуге болатынын зерттейді. Бөлме өсімдіктерінің маңызы өте зор. Олар біздің бөлмемізді тек әдемі етіп көрік бере қоймай, бөлменің, үйдің ауасын тазартады. Сондықтан өсімдіктерге дұрыс күтім жасау керек.