Халықаралық құқық кафедрасында «Тәжірибелік оқыту кәсіптік білім берудің негізгі бөлігі ретінде» атты әдістемелік семинар өтіп, іс-шараға оқытушылар мен «Қазақхолдинг» халықаралық холдингінің басшысы – Думан Базарбеков шақырылды. Шара барысында студенттерді дайындау және олардың еңбек нарығындағы бәсекелестікке дайындығына қатысты мәселелер талқыланды. Базарбеков бітірушілердің мемлекеттік органдармен жұмыс істеуге, құжаттамамен айналысуға психологиялық дайындығы, сондай-ақ шешендік өнері мен өз көзқарасын қорғай білу деңгейі туралы пікірімен бөлісті.

Думан Базарбеков қазіргі кезеңде студенттердің қажеттіліктері мен талаптарын қанағаттандыратын оқытудың заманауи әдістерін талқылау мен енгізу қазіргі еңбек нарығында басты мәселелері болып табылатынын, білім беруде оқытушылар мен түлектер бірлесе жұмыс істеуі өте маңызды деген ұсынысын атап өтті.

Базарбеков жұмыс берушілер мен кафедра оқытушыларының ынтымақтастығы студенттерді кәсіби өмірге тиімді дайындаудың құрамдас бөлігі екенін өз сөзінде көрсетіп кетті. Ол студенттерге тек теориялық білім беру ғана емес, сонымен қатар халықаралық салада табысты мансапқа қажетті практикалық дағдыларды қалыптастыру маңызды деген сенім білдірді.

Семинар оқу үдерісіне студентке бағытталған әдістерді енгізудің нақты қадамдарын талқылаумен жалғасты. Базарбеков кәсіпкерлік саласы өкілдерінің қатысуымен серіктестік бағдарламаларын, тағылымдамалар мен шеберлік сабақтарын құруды ұсынды. Мұндай бастамалар студенттерге еңбек нарығының талаптарын тереңірек түсінуге және олардың оқу тәжірибесін нақты әлемдік тәжірибемен байланыстыруға мүмкіндік береді.

Сондай-ақ ол студенттерде коммуникация, көшбасшылық және уақытты басқару дағдыларын дамытудың маңыздылығын атап өтті, себебі бұл қасиеттер табысты кәсіби мансаптың кілтіне айналады. Базарбеков кафедра оқытушыларын халықаралық саладағы ағымдағы тенденцияларды есепке алу және студенттерде тиісті құзыреттіліктерді дамыту мақсатында кәсіпорындармен белсенді әрекеттесуге шақырды.

Осылайша, әдістемелік семинар студенттердің ағымдағы дайындығы туралы сұхбат алаңы ғана емес, сонымен қатар халықаралық еңбек нарығында білікті және сұранысқа ие мамандарды қалыптастыруға ықпал ететін оқытудың инновациялық әдістерін әзірлеу және енгізу үшін ынталандыруға бағытталды.