17 наурыз – Игі істер күні
Көрулер: 1240
17.03.22 жылы Жасанды интеллект және Big Data кафедрасының Интеллектуалды басқару жүйелері мамандығының 1 курс студенттері «17 наурыз – Игі істер күніне» орай ашық тәрбие сағатын өткізді. Тәрбие сағаты барысында студенттер айналаңа риясыз мейірімділік көрсету, адамдарға жақсылық жасау қашан да игі іс екендігін, адам өміріндегі ең игі істерінің бірі – мұқтаж жандарға қамқорлық жасаудың сауабы мен маңызына тоқталды.
Іс-шараға кафедрамыздың тәрбие ісі жөніндегі орынбасары Сарсембаева Талшын Сағдатбекқызы мен аға куратор-эдвайзері Дуйсембаева Лаура Сериковна қонақ болып, өздерінің алған әсерлерімен бөлісті.
Іс-шара барысында студенттер өздерінің өнерлерін көрсетіп, түрлі ойындар ойнатылып, тақырыпқа сай ақпараттар айтылып, өлең жолдары оқылды.
Іс-шара соңында игі істің бастамасы болып студенттер бір-біріне сыйлықтар табыстады.
Куратор-эдвайзер: Саметова Айгерім Айдарқызы
Әркез жүрегіміз кең, пейіліміз ақ болып жақсылық жасауға ұмтылып тұрайық!