Қазақстан Республикасының Президенті Н.Ә.Назарбаевтың "Болашаққа бағдар: рухани жаңғыру" бағдарламалық мақаласының аясында, химия және химиялық технологиясы факультетінің 1 курс студенттері мен Қазақстан кафедрасы доценты А.Т. Ахметжанова, семестр бойы Алматы қаласының тарихи жерлеріне серуендеп, рухани тұрғыда ой-өрісті байытып, кеңейтуге тырысты. Ұйымдастырушы: Ахметжанова А.Т.

«Ұлы даланың жеті қыры» экспозициясы «Қазақ елі» тарихи-көркем кешенінің негізгі құрамы және ол Елбасы мақаласында айтылған тарихи мұралардың жеті белгісін суреттейді. Мұнда біздің бабаларымыздың жетекші технологияларына куәлік ететін, әлемде кеңінен таралған артефактілер ұсынылған.

Қазақстан тарихында бірінші рет экспозицияда 136 әріптен тұратын, әр жылдары Венгрия, Германия, Болгария, Қытай, Норвегия, Моңғолия, Ресей елдерінде жүргізілген археологиялық зерттеулер негізінде Қытай ғалымдары тарапынан жасалған бірегей Ғұн әліпбиі көрсетіледі.

«Қазақ елі» кешені сонымен бірге «Алаш» көсемдерінің еңбектері және ғасыр бойы тәуелсіздікті аңсаған, болашақтың азаттық таңын армандаған бабалардың қазіргі ұрпақтарының көркем көрінісі бейнеленген «Алаш мұраты» және «Мәңгілік ел» залдарынан тұрады.

"Қазақстанның қазіргі заманғы тарихы" міндетті пәнін оқу барысында Ғылым ордасындағы Сирек кездесетін кітаптар мұражайына Химия және химиялық технологиясы факультетінің 1 курс студенттері бірге барып, тамашалап қайтты. Студенттер Ғылым ордасының ғимараты мен мұражайдағы экспонаттардан өте үлкен әсералды. Ұйымдастырушы: Ахметжанова А.Т.

Жас ұрпақтың тарихи санасын жаңғырту бағытында жүйелі жұмыстар атқару қажет. Сол себепті, студенттермен көптеген мұражайлар мен Алматы қаласының тарихи ескерткіштері мен танымал орындарына саяха тжасау керек. Алматы қаласының тарихы мұражайына - химия және химиялық технологиясы факультетінің 1 курс пен философия және политология факультетінің 2 курс студенттерi барып келді. Ұйымдастырушы: Ахметжанова А.Т.

ҚазҰУ-да дәстүрге айналған «Өнегелі өмір» сериясының тарих ғылымдарының докторы, профессор, Ш.Ш. Уәлиханов атындағы сыйлықтың лауреаты, Қазақстанның еңбек сіңірген қайраткері Төлтай Балақаевқа арналған кезекті 157-шығарылымының тұсаукесер рәсімі болып өтт

«Еңселі ел  – елбасымен көрікті!» 

«Айналаңды нұрландыр!» жобасы аясында Қазақстан Республикасының Тұңғыш Президенті  күніне орай тарих және  физика - техника факультетінің 1-2 курс  студенттерінің қатысуымен өтетін «Еңселі ел  – елбасымен көрікті»  деген тақырыбында өтетін дөңгелек -үстел өтті. Ұйымдастыруша Г.Б. Козгамбаева

«100-Кітап!» жобасы аясында   тарих және  физика - техника факультетінің 1-2  курс  студенттерінің қатысуымен өтетін «Сен қаншалықты классикалық әдебиетті білесің?»  деген тақырыбында өтетін  дебат 10 қараша күні сағат 14.00 де Ұлттық кітапхана Қазақстан залында өтті. Ұйымдастырушы: Козгамбаева Г.Б.

«Айналаңды нұрландыр!» жобасы аясында Қазақстан Республикасының ұлттық валюта күніне орай тарих және  физика - техника факультетінің 1-2  курс  студенттерінің қатысуымен  «Ұлттық теңге – ел тәуелсіздігінің символы!»  деген тақырыбында  дөңгелек үстел.Ұйымдастырушы: Козгамбаева Г.Б

ҚазҰУ-да «Қазақ тарихындағы батырлардың рөлі» атты Қарасай батырдың туғанына 420 жыл толуына арналған республикалық ғылыми-практикалық конференция өтті. ҚР Президенті Н. Назабаевтың «Болашаққа бағдар: рухани жаңғыру» атты бағдарламалық мақаласында қойылған міндеттерді орындау мақсатында өткен шара ҚазҰУ-дың археология және этнология факультеті, Алматы облысы және Алматы қаласы әкімдіктері, Ақ Орда республикалық қозғалысы және Бәйдібек баба қорымен бірлесе ұйымдастырылды.

Конференцияны ашқан ҚазҰУ ректоры Ғалым Мұтанов «Қарасай батыр Алтынайұлы – өзі өмір сүрген қоғамда халқына қорған болған, ел намысын жауға таптатпаған, есімін небір қиын-қыстау заман болса да халқы ұмытпай, ұранға айналдырған тарихи тұлға. Ол өмір сүрген кезең мен қазіргі кезең арасында 400 жылдан аса уақыт өтсе де, оның есімі ұмытылмай, халқының жадында мәңгі сақталып отыр. Бүгінгі конференцияда жасалатын баяндамалар Қарасай батырдың тұлғасы арқылы жалпы қазақ тарихындағы батырлар институты мен батырлық қасиеттердің пайда болуы мен эволюциясының мәнін терең түсінуге жол ашады. Қазіргі таңдағы қазақ елінің бүгінгі өкілдері мен болашақ ұрпағы үшін Қарасай батырдың және тағы басқа ел қорғаған батырлардың өмірі, ерлік істері, өнегесі өте қажет», – деді ректор.

Тарих, археология және этнология факультеті, Қазақстан тарих кафедрасы  жастардың рухани санасын жаңғырту мақсатында Қазақ журналистикасының майталмандарының бірі, «Сүйінбай мен  Қатаған»   айтысын жаңғыртушы, «Құрмет» орденінің, «Ақпарат саласының үздігі» сыйлығының лауреаты, Қазақ радиосының ардагері Қойшығұл Мұстафаұлымен «Жыр-аңыз дәстүр: өткені мен жаңғыруы» атты тақырыпта арнайы кездесу өтті.  Кездесуге тікелей ұйтқы болған т.ғ.к., қауымдастырлыған профессор , факультет деканы М.С. Ноғайбаева болды. Сол сияқты республикаға танымал ғалым, факультет профессоры Қ.Т. Омарбеков, Қазақтан тарихы кафедрасының меңгерушісі, профессор Б.К. Карибаева, кафедра профессоры Б.С. Сайлан,  кафедра меңгерушісінің орынбасарлары доцент Е.Н. Ноянов, PhD доктор М. Байдаулетова қатысты. Тарих, археология және этнология факультеті мен География және табиғатты қорғау факультетінің 1 курс студенттері қатысты

Кездесуді ұйымдастырған кафедра доценті Г.Е. Абикенова, доцент Уразбаева А.М.,  оқытушы Менситова Г., оқытушы Дуйсебаева А