15-16 наурыз аралығында Қазақ ұлттық университетінің физика-техникалық факультетінде «Заманауи физиканың өзекті проблемалары» атты ҚР ҰҒА академигі Әбділдин Мейірхан Мүбаракұлының 75-жылдығына арналған Халықаралық ғылыми конференция өтеді.
2013 жылғы 18 наурыз - 4 мамыр аралығында (сағ. 10:20-14:15, студенттердің баспасөз клубы, № 201 Б ауд.) Вайоминг университетінің профессоры (АҚШ) Джордж Гладней «БАҚ және қоғам», «БАҚ-тағы ғылыми зерттеулер» тақырыбы бойынша дәріс оқиды.
15-16 наурыз аралығында (сағат 10:00, №410 ауд.) әл-Фараби атындағы ҚазҰУ-дың заң факультеті оқу кеңесі залында қазақстандық салалық кәсіподақтар және бірқатар ТМД елдерінің өкілдерінің қатысуымен «Жалпы Еңбек Қоғамы: кәсіподақ қозғалысы және әлеуметтік заңнама модернизациясының тәжірибиесі және болашағы» атты тақырыпта халықаралық ғылыми-тәжірибиелік конференция өтеді.
15 наурыз сағат 15.00-де әл-Фараби атындағы ҚазҰУ механика-математика факультетінің Қызыл Залында Ұлыбританиядан LSBF (Лондондық Бизнес және Қаржы Мектебі) командасы менеджментінің жетекшісі Тереза Джейкобспен кездесу өтеді.
20 наурызда (сағ. 16:00) Халықаралық қатынастар факультетінде «Құқық және қауіпсіздік» атты дискуссиялық клубының ашылуы өтеді. Клуб магистранттар мен PhD докторанттарға арналған.
15 наурызда әл-Фараби атындағы ҚазҰУ-да Цукуба (Жапония) университетімен бірлескен Қазақстан мен Жапония арасындағы дипломатиялық қатынастың орнауына 20 жыл толуына байланысты «Өркениеттер тоғысындағы тіл, қоғам, мәдениет» атты халықаралық ғылыми-тәжірибелік конференция өтеді.
Ағымдағы жылдың 13 наурызында әл-Фараби атындағы ҚазҰУ заң факультеті мемлекет пен құқық теориясы және тарихы, конституциялық және әкімшілік құқығы кафедрасының ұжымы Алматы облысы Қарақастек ауылында орналасқан Балалар үйіне қолдау көрсету мақсатында қайырымдылық акциясын өткізеді.
14 наурызда (сағат 16:00-де, №201 ауд.) әл-Фараби атындағы Қазақ ұлттық университетінің Экономика және бизнес жоғары мектебінде «Қазақстан-2050» Стратегиясының негізгі межелерін студенттерге түсіндіру, Жолдауда көрсетілген межелерді орындауға, мазмұндалған жоспарларды іске асыру аясында білікті мамандар даярлау мақсатында ұйымдастырылған «Білім және кәсіби бейімделу – бүгінгі оқу жүйесінің басты бағыты» тақырыбындағы кеңейтілген дөңгелек үстел өткізіледі.
Құрметті ҚазҰУ арулары мен аяулы ұстаздар! Сіздерді көктемнің шуақты күні - әсемдік, нәзіктік, мейірім күні – 8 наурыз Халықаралық әйелдер мерекесімен шын шүректен құттықтаймын!
Студенттердің ең сүйікті жобасына айналған «Ең үздік студенттік топ-2013» байқауының 2 кезеңінің I туры өтті. Бірінші факультетішілік кезеңнің қорытындысы (әр топ студентінің үлгерімі, ғылыми жаңалық, қоғамдық жұмыс, спорт саласы бойынша жетістіктерін куәландыратын сертификаттар мен дипломдар), топтың өз-өзін таныстырудағы креативтілігі, бірлігі, формасы және т.б. ескеріліп, екінші кезеңге 10 студенттік топ жолдама алды.
