Факультет оқытушылары Камелидтерді Халықаралық зерттеу және дамыту қоғамының халықаралық 5-ші конференциясына (ISOCARD-2018) қатысты
Көрулер: 2324
Факультетіміздің аға оқытушылары б.ғ.к. М.Х. Нармұратова және PhD Г.С. Конуспаева ISOCARD қоғамының (Камелидтерді Халықаралық зерттеу және дамыту қоғамы) «Түйелерді зерттеудегі соңғы жетістіктер: биологиясы, саулығы және өндіріс» тақырыбындағы халықаралық 5-ші конференциясында баяндама жасады (Эль-Аю́н қаласы, Морокко).
Оқытушыларымыздың конференцияға қатысуы биотехнология кафедрасында орындалып отырған «Отандық бактериалдық ұйытқыларды пайдаланып түйе сүтінің негізінде жаңа сүт өнімдерін дайындау технологияларын жасау» Ғылыми бағдарлама (№0118РК01326, 2018-2020 жылдар) аясында қаржыландырылды.
Қоғам 2006 жылдан бастап үш жылда бір рет түйе зерттеу саласында ғылыми және практикалық ақпарат алмасу мақсатында халықаралық конференция өткізеді.
Г.С. Конуспаеваның Мороккандық SNRT телеарнасына сұхбаты: https://youtu.be/WrPGMCOZ3q4