2022 жылдың 14-26 тамызы аралығында әл-Фараби атындағы ҚазҰУ Қиыр Шығыс кафедрасының шақырылған профессоры Ли Бён Джо Корея университеттерінің студенттерімен тарихи экскурсиялық бағдарламаға қатысты. Экскурсияға Кореяның 20-ға жуық жоғары оқу орындарының студенттері қатысты, студенттер Кореяның тәуелсіздігі үшін күрескен корейлермен (Корёин) және антижапон патриоттарымен байланысты Қазақстанның (Алматы, Үштөбе, Қызылорда) тарихи орындарына экскурсия жасады. Бүгінде Қазақстанда үй, бейіт, ескерткіштер сияқты патриоттардың іздері аз емес. Осы саланың маманы ретінде шақырылған профессор Ли Бён Джо бағдарламаға қатысушыларға барлық тарихи орындарда пайдалы ақпарат берді.