2021 жылдың 4 ақпанында сағат 13:00-де ZOOM онлайн-платформасында 1 курс кеңесшісі Ким Э.В жетекшілігімен «COVID-19 пандемиясы кезіндегі корей тілінің аудармашысының қызметі» тақырыбында көшбасшылық дәрісі өткізілді. Әл-Фараби атындағы ҚазҰУ-нің 2018 жылғы түлегі Барбосынова Назеркемен Қиыр Шығыс кафедрасының корейтану бөлімінің 1-4 курс студенттерінің қатысуымен кездесу өтті. Барбосынова Назерке 2016 жылы Аударма ісі бойынша бакалавр дәрежесін алып, 2018 жылы сол мамандық бойынша магистр дәрежесін алып, диссертациясын сәтті қорғады. Оның аударма, зерттеу және шетелде жұмыс жасауда мол тәжірибесі бар. Ол екі рет Оңтүстік Кореяда Сеул қаласында сынақтан өтті, сонымен бірге 10 ай бойы Польшада халықаралық корей компаниясында жұмыс істеді. Назерке өз тәжірибесімен бөлісті және корей тілін үйрену бойынша кеңестер берді, аудармашы қызметі туралы, бұл мамандыққа тек Қазақстанда ғана емес, сонымен қатар шетелде де сұранысы бар екендігін айтты. Жұмыс іздеу, бос уақытын қалай өткізетінін, сондай-ақ өзінің болашақ жоспарларымен бөлісті. 

Болашақ мамандықты таңдау - бұл әр адамның өміріндегі өте маңызды және жауапты қадам. Мамандықты дұрыс ойланбастан, кездейсоқ түрде таңдаудың зардабы - шынайы қабілетіңізді іске асырмау және өмір бойы өзіңіз қаламайтын іспен айналысу екендігі баршаға мәлім. Сондықтан мамандық таңдауда адам өзінің қабілеттері мен қызығушылықтарын анықтап, қалайтын мамандығы, сол бағыт бойынша білім алуға болатын жоғары оқу орындары және болашақта жұмысқа орналасу мүмкіндіктері туралы толыққанды ақпарат алу аса маңызды. Сондықтан, әл-Фараби атындағы Қазақ ұлттық университетінің Қиыр Шығыс кафедрасында жыл сайын Алматы мен Қазақстанның басқа қалаларындағы мектептер мен гимназия түлектерімен кәсіптік бағдар беру жұмыстары жүргізіледі. 2020 жылы 3 ақпанында куратор-эдвайзер Г.Б. Тазабекованың жетекшілігімен Жапонтану бөлімінің 2-курс студенттеріне Қарағанды ​​облысы, Саран қаласындағы Абай Құнанбаев атындағы №4 орта мектебінің түлектерімен онлайн кездесу ұйымдастырылды. Бұл шараны өткізуге мектеп директоры Жакулаев Әділ Мұратұлы және директордың тәрбие ісі жөніндегі орынбасары Бейсен Даурен Бейсенұлы ат салысты. Онлайн-кездесудің мақсаты - мектеп оқушыларына мамандықты саналы түрде таңдауға бағыт-бағдар беру және олардың келешек кәсіпті жоспарлаудағы құзыреттіліктерін арттыру. Куратор-кеңесші Тазабекова Г.Б. және 2-курс студенттері өз презентацияларын көрсетті, университет қабырғасындағы оқу үдерісі, факультетте игеруге болатын мамандықтар және жұмысқа орналасу мүмкіндіктері туралы егжей-тегжейлі айтып берді. Сонымен қатар, студенттер мектеп оқушыларымен өздерінің ҚазҰУ-дегі қызықты студенттік өмірлері туралы ақпаратпен бөлісті және олардың жеке мұрағатындағы әр түрлі фотосуреттерін көрсетті.

2021 жылдың 4 ақпанында ZOOM онлайн-платформасында 1 курс кеңесшісі Ким Э.В. жетекшілігімен «COVID-19 пандемиясы кезіндегі корей тілінің аудармашысының қызметі» тақырыбында Барбосынова Назерке 2018 жылдың Әл-Фараби атындағы ҚазҰУ түлегімен лидерлік дәрісі өтеді. Оған Қиыр Шығыс кафедрасының корейтану бөлімінің студенттері қатысады. 

Барбосынова Назерке 2016 жылы Аударма ісі бойынша бакалавр дәрежесін алып, 2018 жылы сол мамандық бойынша магистр дәрежесін алып, диссертациясын сәтті қорғады. Оның аударма, зерттеу және шетелде жұмыс жасауда үлкен тәжірибесі бар. Ол екі рет Сеул қаласында Оңтүстік Кореяға тағылымдамадан өтті, сонымен бірге 10 ай бойы Польшада халықаралық кореялық компанияда жұмыс істеді. 1-2 курс студенттеріне онлайн-кездесу дайындалды, онда студенттер өздерін қызықтыратын сұрақтарын қоя алады.

2020 жылы 22 қаңтарда «ҚазҰУ-жасыл кампус» тақырыбында «ҚазҰУ – грин кампус» жобасы аясында Қиыр Шығыс кафедрасы, жапонтану бөлімі, 2-курс студенттерімен, онлайн дөңгелек үстел өткізілді. Іс-шара куратор-эдвайзер Г.Б. Тазабекованың ұйымдастыруымен өткізілді. Іс-шара студенттерді рухани-адамгершілік тұрғыда дамытып, тазалыққа, қоршаған ортаға деген қамқролыққа тәрбиелеуге бағытталған. Дөңгелек үстел барысында студенттер тақырып бойынша өз презентацияларын көрсетті, әр қатысушы болашақта әл-Фараби атындағы ҚазҰУ-дың корустарын көгалдандыруға және таза, ұқыпты ұстауға қалай өз үлесін қоса алатындығы жөнінде айтты.

2020 жылдың 22 қаңтарында куратор-эдвайзер Тазабекова Г.Б. ұйымдастыруымен «100 кітап» жобасы аясында «Кітап – білімнің қайнар көзі» тақырыбында Қиыр Шығыс кафедрасы, Жапонтану бөлімінің 2-курс студенттерімен дөңгелек үстел өткізілді. Іс-шара студенттердің рухани-адамгершілік тұрғыда дамуы сияқты тәрбиелік мақсатта ұйымдастырылды. Дөңгелек үстел барысында студенттер берілген тақырып бойынша слайдтарын ұсынды, іс-шараға қатысушылар соңғы жарты жылда қандай кітаптар оқығаны туралы, өмірінде міндетті түрде оқуға тиіс кітаптар тізімімен бөлісті, ғылыми және көркем әдеби шығармалардың сүйікті авторлары туралы сөз қозғады.

2020 жылдың 21 қаңтарында куратор-эдвайзер Тазабекова Г.Б. ұйымдастыруымен «Айналаңды нұрландыр» жобасы аясында «Жақсылық жаса» тақырыбында Қиыр Шығыс кафедрасының жапонтану кафедрасының 2-курс студенттерімен дөңгелек үстел өткізілді. Бұл іс-шараның мақсаты - студенттердің рухани, адамгершілік және этикалық принциптерін, олардың қазақстандық қоғам өмірінің жалпыадамзаттық құндылықтарына, нормалары мен дәстүрлеріне сәйкес келетін адамгершілік қасиеттері мен көзқарастарын қалыптастыру. Дөңгелек үстел барысында студенттер осы тақырып бойынша слайдтарымен бөлісті, әр қатысушы өзінің қоғам дамуына қалай үлес қосатынын, қоршаған адамдарға жақсылық жасау үшін не істейтінін айтты.

Әл-Фараби атындағы ҚазҰУ-дe студенттермен жүргізілетін тәрбие жұмыс мамандар даярлаудың жалпы жүйесінің маңызды бөлігі болып табылады. Тәрбиенің басты мақсаттарының бірі - жоғары кәсіби құзыреттілікке, патриотизмге, шығармашылық әлеуетке және жақсы физикалық дайындыққа ие тұлғаны қалыптастыру.

Әл-Фараби атындағы ҚазҰУ-нің Қиыр Шығыс кафедрасында оқытушылар тарапынан студенттермен мақсатты тәрбие жұмысы жүргізіледі, әр апта сайын әр түрлі іс-шаралар ұйымдастырылады, дөңгелек үстелдер мен онлайн-конференциялар өткізіледі.

2020 жылдың 21 қаңтарында «Культ здорового тела» жобасы шеңберінде Қиыр Шығыс кафедрасы, Жапонтану кафедрасының 2-курс студенттерімен «Денсаулық - зор байлық» тақырыбында онлайн-конференция өткізілді. Іс -шара куратор-эдвайзер Г.Б. Тазабекованың ұйымдастыруымен өткізілді. Бұл іс-шараның мақсаты - студенттерде спортқа деген жағымды көзқарас қалыптастыру және салауатты өмір салтын насихаттау. Конференция барысында студенттер тақырып бойынша слайдтарын ұсынды, әр қатысушы басқалармен өздерінің өмір салты, әдеттері және салауатты өмір сүрудің жолдары мен әдістері туралы ақпаратпен бөлісті.