16 қазан күні оқытушы С.А. Моминов «Туризм» мамандығының үшінші курс студенттеріне Rahat Palace қонақ үйіне экскурсия ұйымдастырды. Қонақ үй бойынша таныстыру экскурсиясын сату бөлімі директорының орынбасары Абдуллаева Асем Аюповна өткізді. Экскурсия барысында студенттер әртүрлі санаттардан тұратын нөмірлік қормен танысты, сондай-ақ қонақ үй қызметі туралы қызықтырған сұрақтарға жауап алды.

Rahat Palace – бұл 1996 жылы ашылған халықаралық деңгейдегі алғашқы бес жұлдызды қонақ үй. Оңтүстік астананың қақ ортасында орналасқан қонақ үй терезелерінен Алатау тауының тамаша көрінісі ашылады.

2021 жылдың 16 қазанында халықаралық деңгейдегі «Rahat Palace Hotel» қонақ үйінің қабырғасында қонақ үй индустриясының маманы – Тарик Волкан Оскаймен бірге Әл-Фараби атындағы ҚазҰУ-дың «Туризм» мамандығының екінші курс студенттері кездесу өткізді. Ол Capital Tower Development-тың даму жөніндегі Бас маманы, Оскай, Rixos President Hotel Astana Бас Директоры болып табылады. Кездесуді «Rahat Palace Hotel» қонақ үйі сату бөлімі директорының орынбасары Асем Абдуллаева ұйымдастырды.

2021 жылдың 27 қыркүйегінде әл-Фараби атындағы ҚазҰУ-дың Рекреациялық география және туризм кафедрасының 4 курс студенттері Дүниежүзілік туризм күніне орай онлайн - концерт ұйымдастырды.

2021 жылдың 11 қыркүйегінде «Геодезия және картография» мамандығының 4 курс, қазақ бөлімінің 8, 9, 10 топ студенттерінің ұйымдастыруымен «Мемлекеттік тіл-менің тілім» тақырыбында іс-шара  өткізілді. 

Қыркүйек айының 10 жұлдызында сағат 18.00-де Картография және геоинформатика кафедрасының, Геоинформатика мамандығының 3 курс студенттерінің ұйымдастыруымен «Тәуелсіздік жетістіктері» атты тәрбие сағаты өтті.