Халықаралық қатынастар факультетінде «АНАЛИТИК» клубының шеңберінде профессор К.Н. Макашева және «Аймақтану» мамандығы студенттерінің ұйымдастыруымен «Ресейдің алтын қаламы» атты халықаралық әдебиет жүлдегерінің иегері, Еуразиялық зерттеулер орталығының директоры, тарих ғылымдарының докторы, профессор Ж.У. Ибрашевпен кездесу өтті.
2014 жылдың 5-7 желтоқсан аралығында Қазақ күресінен Ресейдің Орынбор қаласында бесінші мәрте әлем чемпионаты өтті. 37 мемлекеттің балуандары қатысқан аламан додада ҚазҰУ-дың биология және биотехнология факультеті дене шынықтыру және спорт кафедрасының 2-курс магистранты Айдос Сейпілұлы әлем чемпионы атанды.
2014 жылы 9 желтоқсанда «КӨКЖИЕК» ғылыми-шығармашылық клубы Ғылыми кітапханамен бірлесе отырып «ҚазҰУ студенті оқуға тиіс 100 кітап» жобасы аясында көрнекті жазушы Дулат Исабековтің қатысуымен қалалық оқырмандар конференциясын өткізді.
ҚР Президенті Нұрсұлтан Назарбаев әл-Фараби атындағы Қазақ Ұлттық университетіне сапары барысында Қазақстандағы жоғары оқу орындары тарихында тұңғыш рет жүзеге асқан медициналық диагностикалық орталықты ашып, ұжым жұмысына сәттілік тіледі.
Ел Президенті Нұрсұлтан Назарбаев әл-Фараби атындағы Қазақ ұлттық университетінде болды. ҚазҰУ ректоры академик Ғалым Мұтанов Мемлекет басшысын ЖОО жетістіктерімен және келешек даму жоспарымен егжей-тегжейлі таныстырып, мемлекеттік-жеке әріптестік негізінде 500 млн. АҚШ долларынан астам шетелдік инвестициялар тартылып отырған медика-биологиялық және инновациялық кластерлерді құру бойынша жобалардың жүзеге асырылуы жайлы айтып берді.
Сіздерді 8 желтоқсан күні биология және биотехнология факультетінде «Дені саудың жаны сау» жобасының аясында «Адам денсаулығы және мансап» тақырыбында өткізілетін іс-шараға шақырамыз. Лектор - Павлодар мемлекеттік университетінің доценті б.ғ.к. Курбанова Г.Д.
Журналистика факультетінде Баспасөз және электронды БАҚ кафедрасының ұйымдастыруымен «Мәңгілік ел – ұлттық идеясы: мәдени капиталды қалыптастыру мәселелері» атты І Халықаралық Гуманитарлық форумы өтті.
Әлемдегі ең танымал «Springer» баспа үйі әл-Фараби атындағы ҚазҰУ ректоры академик Ғалым Мұтановтың «Экономикалық жоспарлау, басқару және бюджеттеудегі математикалық әдістер мен үлгілер» («Mathematical Methods and Models in Economic planning, Management and Budgeting») атты кітабының тұсаукесерін өткізді. Кітап ағылшын тілінде басылып шықты.
Халықаралық қатынастар факультеті, халықаралық қатынастар және әлемдік экономика кафедрасының доценттері Б.З. Бюжеева мен А.Р. Әліпбаевтың және «Жас дипломаттар» зияткерлік клубы студенттерінің ұйымдастыруымен профессор К.Қожахметовты еске алуға арналған «Ғалымның аты өшсе де, хаты өшпейді» атты іс-шара өткізілді.
НАТО жөніндегі ресурстық және ақпараттық орталық және әл-Фараби атындағы Қазақ ұлттық университетінің халықаралық қатынастар факультетінің халықаралық қатынастар және әлемдік экономика кафедрасы «Жаңа геосаяси жағдай аясындағы НАТО қызметі» атты жоғары оқу орындары студенттерінің «НАТО мини-моделі» форумын ұйымдастырды.
