• Жоба «Жас Ғалым 2022-2024» жобасы бойынша жас ғалымдардың зерттеуі аясында жүзеге асырылуда.

• Ғылыми жоба жетекшісі – Байспай Гүлшат Болатқызы

• Ғылыми кеңесші – Мусиралиева Шынар Жеңісбекқызы

• Соңғы жылдары онлайн әлеуметтік медиа қолданбалары хабар алмасу және жаңалықтарды бөлісу үшін біздің таптырмас серіктесіміз болды. Әлеуметтік желілер жұмыста, жобаларды жүзеге асыру үшін пайдаланылуы мүмкін, бірақ бұған қоса, қылмыстық ақпарат пен деструктивті мазмұнды тарату да бар. Қазіргі уақытта көптеген елдер қылмыстық ақпараттың таралуының алдын алу және реттеу үшін заңнамалық деңгейде әртүрлі шараларды қабылдауда, бірақ негізгі таратушы түйіндерді табу әрдайым мүмкін емес болады. Әлеуметтік желідегі ақпаратты талдау үшін алдымен желідегі ықпалды таратушыларды анықтау маңызды. Негізгі түйінін табу әлеуметтік желіні талдаудағы орталық зерттеу тақырыбы болып табылады.

• Жобаның мақсаты – Қазақстан Республикасының аумағында әлеуметтік желілерде қылмыстық ақпаратты тарату түйіндерін анықтау әдістемесін құру. Сондай-ақ, ұйымдасқан топтардағы негізгі ойыншыларды анықтауға көмектесетін әлеуметтік желіні талдау көрсеткіштерін зерттеу.

• Жобаны жүзеге асыру барысында келесі міндеттер жоспарлануда: әлеуметтік желілердегі қылмыстық ақпаратты анықтау үшін машиналық оқыту моделін жасау, желілердегі пайдаланушылардың графын құру, әлеуметтік желілерде қылмыстық ақпаратты тарату түйіндерін анықтау алгоритмін әзірлеу.

• Ұсынылған жобалық шешімдердің ғылыми жаңалығы:

1. Әлеуметтік желілердегі қылмыстық ақпаратты анықтауға арналған машиналық оқыту моделін жасауда.

2. Әлеуметтік желілерді пайдаланушылардың графын құру негізінде әлеуметтік желілерде қылмыстық ақпаратты тарату түйіндерін анықтау алгоритмін жасауда.

• Күтілетін нәтижелер: қылмыстық ақпаратты анықтауға арналған машиналық оқыту үлгілері, пайдаланушылар графын және посттар графын құру әдістері, ықпалды түйіндерді анықтау алгоритмі, визуалды аналитикасы бар бағдарламалық қосымша жасау.

• Жобаның әлеуметтік маңыздылығы ішкі нарық үшін әлеуметтік желілерде қылмыстық ақпаратты тарату түйіндерін анықтау алгоритмін құрумен байланысты. Қазір әлеуметтік желілерді бақылау үрдісі байқалғандықтан, жобаның нәтижелерін коммерцияландыру мүмкіндігі бар.

• Алынған нәтижелердің мақсатты тұтынушылары – ақпараттық қауіпсіздікті қамтамасыз ету, қылмыстық ақпаратпен күресу үшін уәкілетті органдар әдістеме, алгоритм түріндегі қолданбалы нәтижелерді қолдана алады.