2022 жылдың 4 қазанында QS аймақтық директоры Христолюбов Сергей Владимировичтің қатысуымен оқыту семинары өтті. Университеттің жаһандық бәсекеге қабілеттілігі және жетекші шетелдік университеттермен ынтымақтастық мәселелері талқыланды. QS көрсеткіштерін жақсарту үшін 6 микс фокус-топтар да ұйымдастырылды. Мұғалімдер фокус-топтар жұмысында өзара пікірталас барысында өз пікірлерімен бөлісіп, тапсырма бағыты бойынша жұмысты жақсарту жолдарын анықтады.

Біздің микс фокус-тобымыздың міндеті отандық жұмыс берушілермен ынтымақтастық механизмін жетілдіру жолдары болды, онда біз 3 сұрақты қарастырдық: 1. Отандық жұмыс берушілермен ынтымақтастық механизмдері қандай? 2. Еңбек нарығы талаптарының бітірушінің моделімен байланысы қалай қамтамасыз етіледі? 3. Бөлімшелер мен жұмыс берушілер арасындағы ынтымақтастықтың тиімділігін қалай бағалауға болады?

Оқу ісі жөніндегі проректор Ф.Н.Жақыпованың жетекшілігімен өткізілген бұл дамытушылық тренинг профессорлық-оқытушылар құрамын өзекті мәселелерге баулып қана қоймай, университет ұжымында жағымды, достық қарым-қатынастың қалыптасуына ықпал етті.