Түрлі салалар мен ғылыми пәндер бойынша академиялық және ғылыми ынтымақтастықты арттыру мақсатында Шарджа университеті (ШУ) әл-Фараби атындағы ҚазҰУ-мен өзара түсіністік туралы меморандумға қол қойды. Меморандумға ШУ атынан канцлер, профессор Хамид М.К. Әл-Наими және басқарма төрағасы – ҚазҰУ ректоры, профессор Жансейіт Қансейітұлы Түймебаев қол қойды. Өзара түсіністік туралы меморандум тәжірибе алмасуды, оқытушылар мен студенттердің ұтқырлық бағдарламаларын енгізуді, сондай-ақ нейрогеномика, есептеу нейробиологиясы, биофизика және жасанды интеллектті медицинада қолдану аясында бірлескен оқу жоспарларын, дәрістер мен аспирантураны әзірлеуді көздейді.

Профессор аль Наими бұл меморандумның екі университет арасындағы академиялық зерттеу тәжірибесімен алмасуға ықпал етудегі маңыздылығын атап өтті; ол ШУ Шарджа Әмірлігі билеушісінің орынбасары және ШУ президенті шейх Сұлтан бин Ахмед Әл-Касимидің қолдауымен және басшылығымен араб аймағындағы жетекші университеттердің бірі болып, әртүрлі еңбек нарығының қажеттіліктеріне сәйкес келетін пәндер спектрін, академиялық бағдарламаларды кең көлемде ұсынды.

Өз кезегінде профессор Түймебаев ШУ -дың құрылған күннен бастап соңғы 25 жыл ішінде жергілікті, аймақтық және жаһандық деңгейдегі академиялық жетістіктерін жоғары бағалап, сондай-ақ неврология және жасанды интеллект саласындағы зерттеулер мен білім берудің жаңа бағыттарын құруда ШУ мен ҚазҰУ арасындағы ынтымақтастықты кеңейтетін өзара түсіністік туралы меморандумға қол қойылғанына қуанышты екенін жеткізді.

Меморандумға қол қоюға профессор Маамар Беттайеб, ғылыми-зерттеу және дипломнан кейінгі оқу жөніндегі проректор, профессор Кутайба Хамид, медициналық колледждер мен денсаулық сақтау ғылымдарының проректоры және медицина колледжінің деканы, профессор Рифат Хамуди, молекулалық, жасушалық және есептеу медицинасының профессоры және биоинформатика және функционалдық геномиканы зерттеу тобының жетекшісі, доктор Тарек Мерабтен, халықаралық ғылыми-зерттеу бөлімінің директоры  және ҚазҰУ биофизика, биомедицина және нейроғылым кафедрасының меңгерушісі, профессор Альмира Кустубаева қатысты.