Green Campus бағдарламасы аясында ҚазҰУ "гидрология" мамандығының студенттеріне арналған су ресурстарының қазіргі жағдайына баға беру, қорғау, рационалды пайдалану мақсатында, 1 курс докторанттары ашық тәрбие сағатын өткізді.
2021 жылдың 23-ші наурыз күні әл-Фараби атындағы Қазақ Ұлттық Университетінің Метеорология және Гидрология кафедрасының "Метеорология" мамандығының 3-курс студенттері мен эдвайзерлері Дүниежүзілік метеорология күніне орай ZOOM платформасында "Дүниежүзілік метеорологиялық күн-мұхит, біздің климат және ауа райы" атты мерекелік эдвайзерлік сағат ұйымдастырды.
Green Campus бағдарламасы аясында Әл-Фараби атындағы Қазақ ұлттық университетіндегі метеорология мамандығының 2,3 және 4 курс студенттері үшін табиғатқа деген құрмет сезімін қалыптастыру және табиғаттағы деструктивті мінез-құлықтың алдын алу мақсатында танымал қазақстандық саяхатшы Мағжан Сағымбаевпен студенттердің онлайн-кездесуі ұйымдастырылды. Кездесу барысында саяхатшы өзінің бүкіл әлемді велосипедпен жүріп өткен сапары жайлы, адамдардың табиғатпен ара қатынасы және Қазақстандағы экологиялық еріктілік жұмыстары туралы қызықты, танымды ақпараттарымен бөлісті. Сондай-ақ, кездесу барысында экологиялық жобалар мен елдегі экологиялық мәдениет жайлы ойлары және сол мәдениеттіліктің кейбір жастар арасында төмен екені айтылып, талқыланды. Дәріс соңында студенттер сабақ тақырыбын қорытындылау мақсатында сөздер мен тегтер бұлтын құрастырды.
2021 жылғы 15 наурызда әл-Фараби атындағы Қазақ ұлттық университетінде 2020 жылы ҚР Ақпарат және қоғамдық даму министрлігі мен Әл-Фараби атындағы Қазақ ұлттық университеті және ҚР Экология, геология және табиғи ресурстар министрлігі арасындағы Өзара түсіністік және ынтымақтастық туралы жасасқан меморандумды жүзеге асыру аясында "Тұрақты даму мақсаттары шеңберінде экологиялық журналистика" журналистердің біліктілігін арттыру курсы басталды.
Оқыту курсының модераторлары: Журналистика факультетінің Баспасөз және электрондық БАҚ кафедрасының меңгерушісі, профессор Гүлмира Серікбайқызы Сұлтанбаева және География және табиғатты пайдалану факультетінің Тұрақты даму бойынша ЮНЕСКО кафедрасының меңгерушісі, г.ғ. к., профессор м.а. Базарбаева Тұрсынкүл Аманкелдіқызы.
Кафедраның, факультетет және ҚазҰУ барша әйелдер ұжымын Халықаралық әйелдер күнімен құттықтаймыз!
2021 жылдың 05 наурыз күні Метеорология және гидрология кафедрасының 4 курс студенттері мен эдвайзерлері көктемнің алғашқы мерекесі Халықаралық әйелдер күніне орай нәзік жандар құрметіне орай ZOOM платформасында «Ана –гүл, қыз – өмір шуағы!»атты ашық эдвайзерлік сағат ұйымдастырып өткізді. Эдвайзерлік сағаттың негізгі мақсаты жастарды мейірімділікке, аналардың өлшеусіз еңбегін бағалай білуге, анасын сүю арқылы еліне деген сүйіспеншілікке тәрбиелеу.
Әл-Фараби атындағы Қазақ ұлттық университетінің география және табиғатты пайдалану факультеті 2021 жылдың 6-8 сәуір күндері өтетін студенттер мен жас ғалымдардың «ФАРАБИ ӘЛЕМІ» атты халықаралық ғылыми конференциясына қатысуға шақырады.
Әл-Фараби атындағы ҚазҰУ-дың «Невада-Семей» жастар ұйымының белсенділері халықаралық антиядролық қозғалыс «Невада-Семей» ұйымымен бірлесе отырып 28 ақпанда «Невада-Семей» «Қазақстан Республикасының экологиясын қалпына келтірудің түбегейлі қажеттілігіне байланысты «Невада-Семей» қозғалысының алға қойған міндеттері» тақырыбында онлайн дөңгелек үстел өткізді.
Кездесу барысында мекеменің қызметкері Толқын Бекжанқызы студенттерге РМК «Қазаэронавигация» қызметі жайлы, өзінің жұмыс орны жайлы қызықты ақпараттарды баяндады.
əл-Фараби атындағы ҚазҰУ Тəрбие жұмысы департаментінің ұйымдастыруымен «Куратор-эдвайзерлер мектебінің» кезекті дәстүрлі семинары биылғы жылы ерекше түрде онлайн форматта өтті.
