«Біз біргеміз, берік іргеміз!»
2019 жылдың 22 қарашасында педагогика және білім менеджмент кафедрасының доцент м.а., педагогика ғылымдарының кандидаты А.М.Құдайбергенованың жетекшілігімен «Әлеуметтік педагогика және өзін-өзі тану» мамандығының 2-курс магистранты Ж.Т. Ермаханова «Әлеуметтік педагогика және өзін-өзі тану» мамандығының 1-курс студенттерінің қатысуымен «Біз біргеміз, берік іргеміз!» атты тәрбиелік шара өткізді. Топ арасында жақын қарым-қатынас орнату, ұжымға бейімделу, айналасындағылармен бірлесіп жұмыс жасауға тәрбиелеу мақсатында өткен шараға студенттер белсенділік таныта қатысты. Түрлі психологиялық әдістер, ойындар жүргізу барысында білім алушылар бір-біріне қолдау білдірген сәттерін естеріне алып, ыстық ықыластарын жеткізді. Топ кураторы Әлия Маликовна тәрбиелік мәні зор бірлік, татулық туралы тәмсіл әңгімелер айтты. Шара соңын студенттер көтеріңкі көңілде әсем әнмен қорытындылады.
