06 - 07 сәуір күндері Ресейдің қаржылық сауаттылықты дамыту қауымдастығы, Ресейдің жетекші университеттері, әл-Фараби атындағы ҚазҰУ және Л.Н. Гумилев атындағы Еуразия ұлттық университтерімен бірлесе «Еңбек ұжымдарындағы қаржылық сауаттылық, іскерлік және білім беру ортасы: әлемдік және аймақтық үрдістер мен тенденциялар» атты халықаралық ғылыми-әдістемелік конференция өткізеді.
Әл-Фараби атындағы Қазақ ұлттық университеті журналистика факультетінің ЮНЕСКО, халықаралық журналистика және қоғамдық медиа кафедрасы 2021 жылғы 30 сәуір күнгі сағ.14.00-де Ж.Кенжалин атындағы аудиторияда Қазақстанда ақпараттық менеджмент теориясы мен тәжірибесінің негізін қалаған белгілі ғалым, талантты БАҚ ұйымдастырушысы, жазушы-публицист, саяси ғылымдарының кандидаты, ұлағатты ұстаз Жұмабек Омарұлы Кенжалинді еске алуға арналған І-ші Кенжалин оқулары аясында дәстүрлі «Қазақстан қоғамындағы ақпараттық үдерістер: БАҚ менеджменті мен маркетингі және PR» атты Халықаралық ғылыми-тәжірибелік онлайн-конференция өткізеді.
Әл-Фараби атындағы ҚазҰУ-дың Жаңабілім беру технологиялары институты қашықтықтан білім беру технологияларын қолдану арқылы білім сапасын арттыру мақсатында университет оқытушылары арасында «Әл-Фараби атындағы ҚазҰУ оқытушысының сандық шеберханасы» атты онлайн шеберлік сағаттар тізбегін өткізеді.
Әл-Фараби атындағы ҚазҰУ мен Орал Федералды университетінің Орал гуманитарлық институты Қорған мемлекеттік университетімен бірлесе 3-4 курс бакалаврлары мен университетің магистранттарын жас ғалымдардың Еуразиялық мектебіне қатысуға шақырады.
2021 жылдың 26 наурызында Ресей халықтар достығы университеті шет тілдері институтында (Мәскеу) ХІІІ Халықаралық «Қазіргі тіл білімі және гуманитарлық ғылымдардың өзекті мәселелері» атты бүкілресейлік ғылыми-әдістемелік конференция өтеді.
Әл-Фараби атындағы Қазақ ұлттық университеті "AntiParaCraft-2021" эстафетаны қабылдап, Қазақстан Республикасы Сыбайлас жемқорлыққа қарсы іс-қимыл Агенттігінің Алматы қаласы бойынша департаментімен бірлесіп "Zoom" платформасында студенттік квест-ойынын онлайн форматта өткізеді.
Әл-Фараби атындағы ҚазҰУ-да 2021 жылдың 1 наурызында техника ғылымдарының докторы, профессор, ҚазКСР ҒА және ҚР ҰҒА академигі, көрнекті механик-ғалым, белгілі мемлекет және қоғам қайраткері, Қазақстан Республикасының ғылымы мен жоғары білімінің ірі ұйымдастырушысы, ҚазКСР ғылымына еңбек сіңірген қайраткер, ҚазКСР Мемлекеттік сыйлығының иегері Жолдасбеков Өмірбек Арысланұлының туғанына 90 жыл толуына орай мерекелік шара өтеді.
2021 жылдың 27 ақпан күні сағат 1100-ден 1140-қа дейін ZOOM платформасында Әл-Фараби атындағы ҚазҰУ-дың «Невада-Семей» жастар ұйымы «Қазақстан Республикасының экологиясын қалпына келтірудің түбегейлі қажеттілігіне байланысты «Невада-Семей» қозғалысының алға қойған міндеттері» тақырыбында онлайн дөңгелек үстел өткізеді.
2021 жылдың 4 наурызында сағат 10.00-де әл-Фараби атындағы ҚазҰУ-дың журналистика факультетіндегі Е. Шәймерденов атындағы аудиторияда Қазақстандағы телерадио журналистиканың негізін салушы, журналистика ғылыми мектебінің негізін қалаған, ұлттық телерадио хабарларын таратуға үлкен үлес қосып, көптеген шәкірт тәрбиелеген ғалым, профессор Марат Кәрібайұлы Барманқұловты еске алуға арналған «ХХІ ғасырдың жаңа медиа-ландшафты» атты Халықаралық ғылыми-практикалық онлайн-конференция өтеді.
