Әл-Фараби атындағы ҚазҰУ ЖОО-ға дейінгі дайындық кафедрасының тыңдаушылары, «Парасат» клубының мүшелері, жетекшісі Н.Қ. Мәтбектің 2019 жылы мамыр айының 01-03 аралығында Қазақстан Республикасының астанасы ‒ Нұр-Сұлтан қаласына жасаған саяхаты мазмұнды да әсерлі өтті. 1998 жылы ЮНЕСКО шешімімен ‒ «Бейбітшілік қаласы» жоғары атағын, 1999 жылы «Әлем қаласы» деген ат иеленген бас қала. Ауғанстан Ислам Республикасынан келген тыңдаушыларға еуропалық және шығыстық сәулет өнерін ұтымды үйлестірген қаланың зәулім де әсем ғимараттары ерекше әсер қалдырды. Нұр-Сұлтан қаласына саяхат жасау үшін оларға екі күн аз болды. Шетелдік тыңдаушылар саяхат жетекшісі Нұрсұлу апайларына алғыс айтып, ризашылық сезімдерін білдірді.