Әл-Фараби атындағы ҚазҰУ ЖОО дейінгі білім беру факультеті ЖОО-ға дейінгі дайындық кафедрасының тыңдаушылары 7 Мамыр ‒ Отан қорғаушылар күнінде ұстаздары мен бірге оқитын достарын мерекемен құттықтады. Қыздар өз өнерлерін ортаға салып, сахналық қойылым көрсетіп, әндер айтты. Мерекелік шараға Ауғанстан Ислам Республикасынан келген 2-топ тыңдаушылары да (кураторы ‒ Н.Мәтбек) қонақ ретінде қатысты. Олар қазақ халқының қонақжайлығына, достық пейіліне тағы да куә болды. Ауған тыңдаушылары шетелдік қазақ диаспорасының қыз-жігіттерінен дос тапқандарына дән риза.