ҚазҰУ-дың 2013 жылғы үздік жобаларының бірі ретінде танылған «Ең үздік топ» байқауы аясында финалға шыққан топтардың ұйымшылдығын, мақсатқа жетудегі талпынысын жетілдіру үшін таңғы тренинг өткізілді.

12 мамыр күні Ғ.Мүсірепов атындағы балалар мен жасөспірімдер театрындағы «Сүйе білсең...» қойылымын ҚазҰУ жастары тамашалап қайтты.

13-17 мамыр аралығында «Сот сараптама пәнінің оқыту әдістемесі» тақырыбы бойынша әдістемелік семинар өтеді.

2013 жылдың 20-28 мамыр аралығында «Іле-Балқаш аймағы өсімдіктері динамикасы және флорасы. Орталық Азияның биоалуантүрлілігін сақтау» тақырыбында биоалуантүрлілік және биоресурстар кафедрасында халықаралық жаздық мектебі (workshop) ашылады.

Құрметті әріптестер және студенттер!

Сіздерді 9 мамыр – Жеңіс күні мерекесімен шын жүректен құттықтаймын! Ұлы Отан соғысы Кеңес Одағы құрамындағы барша ұлтты бір мақсатқа жұмылдырып, бір тудың астына біріктірді. Жеңіс мерекесі – жеңімпаз аға буын мен олардың ерлігін сабақтаған бүгінгі жас ұрпақтың қасиетті мейрамы. Аға ұрпақ айбынды білегімен, қасық қанымен қорғап қалған бейбітшілік бізді жігерлендіріп, биік мақсаттарға жетелейді. Сондықтан да Ұлы Жеңістің қадірі бәріміз үшін аса қымбат, ұрпақ үшін тағылымы зор.

6 мамыр күні әл-Фараби атындағы Қазақ Ұлттық университеті жоғары оқу орнына дейінгі білім беру факультетінде авиациа Ауған соғысының ардагері генерал-майор Нұрғалиев Тұрар Сапарғалиұлымен «Ер – елінің қорғаны» атты кездесу кеші ұйымдастырылды. Ұлы Жеңістің 68 жылдығына және де 7-мамыр Отан қорғаушылар күніне, Отанына шын берілген, қайсар жүрек, батырларымыздың мерейтойына арналған шара болып аталды.

Бүгін әл-Фараби атындағы ҚазҰУ мұрайжайында «Біз сол естелікке адалмыз» атты тақырыпта Ұлы Отан соғысы ардагерлерін еске алуға арналған, патриоттық тәрбие беруге бағытталған жастармен кездесу өтті.

2013 жылдың 3 мамырында, география және табиғатты пайдалану факультеті рекреациялық география және туризм кафедрасының ұжымымен, «G-global» он-лайн платформасын қолдана отырып, «Туризмдегі жастар саясаты» атты тақырыбындағы конференция өткізілді.

6-23 мамыр аралығында тарих, археология және этнология факультетінің, археология, этнология және музеология кафедрасында (этнология мұражайында) Колорадо университетінің (АҚШ) профессоры, адамның шығу тегі лабораториясының директоры Мишель Глянц, сонымен қатар Колорадо университетінің профессоры, археология орталығының директоры Джейсон Лабелдің адам эволюциясына қатысты мәселелер, Орталық Азияның ежелгі тарихы, неандертальдықтардың морфологиясы және антропология мен эволюция тарихы аясында дәрістері өтеді.

16 мамыр сағат 9.00-16.00 аралығында әл-Фараби ғылыми кітапханасының үлкен залында (4-қабат) әл-Фараби атындағы Қазақ ұлттық университетінің Бос орындар жәрмеңкесі өтеді. Жәрмеңкеде қазақстандық және халықаралық компаниялардың бос жұмыс орындары, бағдарламалары және тренингтері ұсынылады. Жәрмеңкенің қатысушылары бос жұмыс орындарымен танысып, түйіндеме ұсынып, HR-менеджерлермен әңгімелесуден өте алады.