Президент қ. Тоқаев 2022 жылғы 01 қыркүйектегі Қазақстан халқына Жолдауында жоғары білім саласындағы реформаларды жалғастыру қажеттігін атап өтті.

Осы мақсатта 2023 жылдың қаңтар айында әл-Фараби атындағы Қазақ ұлттық университетінің химия және химиялық технология факультетінің физикалық химия, катализ және мұнай химия кафедрасымен "Білім берудегі инновациялар" халықаралық қысқы мектебі өткізілді. Осы шараға Қазақстан, Өзбекстан және Қырғызстанның жоғары оқу орындарынан 118 тыңдаушы қатысты.

Қазақстанның Болон процесіне қосылуы Қазақстанның жоғары білім беру саласындағы жақын және алыс шетелдердің жоғары оқу орындарымен байланысын кеңейтуді қамтамасыз етеді.

Қазақ ұлттық университетіндегі кредиттік оқыту жүйесінің жай-күйі, жаппай онлайн курстар құру, білім беру процесінде Кайдзен концепциясын қолдану мүмкіндіктері туралы сұрақтар қатысушылардың үлкен қызығушылығын тудырды.

Әл-Фараби атындағы ҚазҰУ жоғары білім беруде үш деңгейлі жүйені жүзеге асырған Қазақстанның алғашқы жоғары оқу орындарының қатарында. Университетте European Credit Transfer System (ECTS) кредиттік бірліктер жүйесін енгізудің арқасында шетелде оқытуды академиялық тануға кепілдік беріледі және түлектердің еңбек нарығының қарқынды өзгеріп отыратын жағдайларында сұранысы артты.