"ФУНКЦИЯЛДЫ МАТЕРИАЛДАРДЫ ХИМИЯЛЫҚ ТЕХНОЛОГИЯСЫ" ХАЛЫҚАРАЛЫҚ РЕСЕЙ-ҚАЗАҚСТАН ҒЫЛЫМИ-ПРАКТИКАЛЫҚ КОНФЕРЕНЦИЯСЫ

  2014 жылдан бері физикалық химия, катализ және мұнайхимия кафедрасы мен Новосібір мемлекеттік техникалық университеті бірлесіп ұйымдастыратын «Функционалды материалдардың химиялық технологиясы» атты Халықаралық ғылыми-тәжірибелік конференция жыл сайын Ресей мен Қазақстанда кезектесіп өткізіліп келеді. Бұл ­– екі университет арасындағы катализ, мұнайхимия, материалдарды синтездеу, экологиялық, химиялық технология cаласындағы мәселелерді талқылап, шешу үшін шетелдік (Германия, Израиль, Испания, Түркия, Италия, Финляндия, Иран, Ресей, Қырғызстан, Өзбекстан, Грузия) және қазақстандық ғалымдардың күш-жігерін біріктіруге, олардың тәжірибе алмасуына бағытталған ірі халықаралық ғылыми іс-шара. Осындай нәтижелі, ауқымды жұмыстар жас ғалымдардың ғылымға деген құлшынысын оятып, отандық және шетелдік білім мен ғылым саласында өздерінің зерттеулері мен тәжірибелік жұмыстарын жария етуіне, ғылымның қия жолында тынымсыз еңбек етіп, ғылыми ізденіс көкжиегін кеңейтуге жол ашары даусыз. 

  Ғылыми форум Новосібір мемлекеттік техникалық университетінің (Ресей) бірлескен басшылығымен және қатысуымен тұрақты бастамашы және ұйымдастырушы профессор Уваров Николай Фастович пен кафедра меңгерушісі профессор Аубакиров Ермек Айтказыновичтың қатысуымен өткізіледі. Соңғы жылдары аталмыш конференцияның үздік материалдары Scopus және Web of Sciensе базасындағы журналдарда жариялануда. 2015 жылдан 2019 жылға дейін есептер жинақтары Ресейлік ғылыми дәйексөздер индексі (РИНЦ) деректер базасында тіркелді. Конференция материалдары 2020 жылы Scopus дерекқорына енгізілген Materials Today: Proceedings журналында, 2021 жылы MATEC Web of Conferences журналында (Web of Science дерекқоры), 2022 жылы Chimica Techno Acta журналында (Scopus дерекқоры) жарияланды.

Materials Today: Proceedings	MATEC Web of Conferences	Chimica Techno Acta

ҚАЗАҚСТАН РЕСПУБЛИКАСЫ ҒЫЛЫМ ЖӘНЕ ЖОҒАРЫ БІЛІМ МИНИСТРЛІГІ 

ӘЛ-ФАРАБИ АТЫНДАҒЫ ҚАЗАҚ ҰЛТТЫҚ УНИВЕРСИТЕТІ

ХИМИЯ ЖӘНЕ ХИМИЯЛЫҚ ТЕХНОЛОГИЯ ФАКУЛЬТЕТІ

ФИЗИКАЛЫҚ ХИМИЯ, КАТАЛИЗ ЖӘНЕ МҰНАЙХИМИЯ КАФЕДРАСЫ

АҚПАРАТТЫҚ ХАТ

Сіздерді 2023 жылы 25 - 27 мамырда Новосібір мемлекеттік техникалық Униврситетінде өтетін "Функционалды материалдардың химиялық технологиялары" атты IX Халықаралық Ресей-Қазақстан ғылыми – практикалық конференциясының жұмысына қатысуға шақырамыз.

Құрметті конференцияға қатысушылар! Конференцияның ашылуына біз Сіздерді шақырамыз!  

Өтетін уақыты:  

25 мамыр 2023 - 27 мамыр 2023

10:00 Ресей, Новосибирск

09:00 Қазақстан Республикасы, Алматы

Конференция жұмысының негізгі бағыттары:

1. Функционалды материалдарды синтездеу, модификациялау және өндіру процестерін болжаудың ғылыми негіздері. Жаңа функционалды материалдардың сипаттамаларын зерттеу. Функционалды материалдарды алудың экологиялық аспектілері.

2. Химиялық технологиялар процестері мен аппараттары. Каталитикалық процестерді және мұнай химиясы мен мұнай өңдеу катализаторларын физика-химиялық зерттеу.

Конференция бағдарламасына Ресей, Қазақстан және басқа да елдердің ғылыми-зерттеу және білім беру мекемелерінен материалдарды синтездеу және химиялық технологиялар саласындағы жетекші мамандардың пленарлық және негізгі баяндамалары енгізілетін болады.

Конференция шеңберінде студенттердің, аспиранттардың және жас ғалымдардың үздік баяндамаларының конкурсы өткізіледі, РҒДИ деректер базасында келтірілген конференция материалдарының жинағы шығарылады.

  Ұйымдастыру комитеті таңдаған үздік жұмыстар Chimica Techno Acta (Q4) журналында жарияланады.

Конференция тілі: орыс, ағылшын

Негізгі күндер:

Материалдарды қабылдау                   2023 жылдың 10 мамырға дейін

Конференция өткізу                             25-27 мамыр 2023 ж.

Конференция материалдарын жариялау шарттары

2023 жылдың 10 мамырына дейін chem@conf.nstu.ru электронды поштасына (мекенжайға) келесі ақпаратты жіберуіңіз керек.

1. Төменде көрсетілген талаптарға сәйкес рәсімделген баяндама тезистері.

2. Тіркеу формасы.

3. Мемлекеттік және коммерциялық құпияны құрайтын мәліметтердің жоқтығын растайтын ашық жариялау мүмкіндігі туралы қорытынды.

Баяндама тезистерін рәсімдеу ережелері

Тезистің көлемі мәтінде көрсетілген суреттер мен кестелерді қоса алғанда, А5 форматындағы 4 беттен аспауы тиіс.

Мәтінді ресімдеу (форматтау): Барлық жиектері – 20 мм, жоларалық интервал – 1, Times New Roman қарпі, шрифт өлшемі –10. Мәтінде қолданылатын қысқартулар бірінші қолданылған кезде түсіндіріледі.

Баяндама материалдарының мәтіні төмендегі талаптар бойынша ресімделеді:

• баяндаманың атауы (бас әріптермен); қалың шрифт өлшемі 12, абзацсыз құжаттың ортасында орналасады;

• бос орын;

• авторлар туралы ақпарат:

- авторлардың аты-жөні келесі ретпен: - тегі, аты-жөні; – жұмыс/оқу орны (толық, қысқартуларды қолданбай);

- ғылыми жетекшінің аты-жөні (студенттер мен аспиранттар үшін);

- баяндамашының е-mail.

Қалың шрифт (толық аты-жөні үшін), жәй шрифт (басқа деректер үшін), өлшемі 10, құжаттың ортасына, абзацсыз орналастыру;

• бос орын;

• материалдар мәтіні. Жәй шрифт өлшемі – 10, жоларалық интервал – 1, абзац шегінісі - 0,7 см. Сілтемелер: суреттерге – сурет. 1; кестеге – кесте. 1;

• Әдебиеттер тізімі (5 дереккөзден аспауы керек) дереккөздерді қолдану тәртібімен жасалады. Мәтінде дереккөз нөмірі тік жақшада берілуі керек.

Әдебиеттер тізімін рәсімдеу.

"Әдебиеттер тізімі" тақырыбы - қалың шрифтпен, өлшемі 10, құжаттың ортасына, абзацсыз орналастыру; бұдан әрі – тізімі: жәй шрифт өлшемі 9, абзацсыз.

Әдебиеттер тізімі ГОСТ Р 7.0.5-2008 " Библиографиялық жазба. Библиографиялық сипаттама" сәйкес рәсімделеді.

Мақала мәтініндегі суреттерді, кестелер мен формулаларды ресімдеу:

• мәтінге сурет файлдары *.jpg немесе *.tif форматында орналастырылады. Графиктер мен суреттердегі жазулар және басқа да белгілер анық және оңай оқылуы тиіс (кәдімгі қаріп, кегль 8-ден кем емес);

• суреттер мен кестелерді ресімдеу:

Сур. 1. Атауы

Кесте 1. Атауы

Атаудан кейін нүкте қойылмайды. Жәй шрифт өлшемі 9, мәтінді құжаттың сол жақ шетіне, абзацсыз орналастырады.

• Формулалар mathtype (Equation Editor) редакторында теріледі, әдепкі параметрмен. Файл атауында автордың аты-жөні, мысалы, Ivanov_AA.docх немесе Ivanov_AA.doc. болуы керек. Файл MS Word 2007, 2010 нұсқаларының көмегімен жасалуы тиіс.

Толық ақпаратты келесі сілтеме бойынша ала аласыздар:

  https://chem.conf.nstu.ru/RU/

ҰЙЫМДАСТЫРУ ЖАРНАСЫ

РЕКВИЗИТТЕР:

НГТУ ИНН 5404105174, КПП 540401001

630073, г. Новосибирск, пр.Карла Маркса, 20

УФК по Новосибирской области (НГТУ, л/с 20516У21090) Сибирское ГУ Банка России г. Новосибирск

р/с 03214643000000015100;

БИК 015004950 к/сч 40102810445370000043

ОКТМО 50701000001

КОНФЕРЕНЦИЯНЫ ҰЙЫМДАСТЫРУШЫЛАР

Новосібір мемлекеттік техникалық университеті (НМТУ), Новосібір, Ресей

Қатты денелер химиясы және механика химия институты РҒА СБ, Новосибирск, Ресей

Әл-Фараби атындағы Қазақ Ұлттық Университеті (әл-Фараби атындағы ҚазҰУ), Алматы, Қазақстан

ҰЙЫМДАСТЫРУ КОМИТЕТІ

Новосибирский государственный технический университет (НГТУ), Новосибирск, Россия  Институт химии твердого тела и механохимии СО РАН, Новосибирск, Россия 

Национальный университет имени аль-Фараби (КазНУ им. аль-Фараби), Алматы, Казахстан

Ұйымдастыру комитетінің төрағасы

Батаев А.А. – техника ғылымдарының докторы, профессор, НМТУ ректоры, Ресей

Ұйымдастыру комитеті төрағасының орынбасарлары

Уваров Н.Ф. – химия ғылымдарының докторы, Новосібір мемлекеттік техникалық университетінің химия және химиялық технология кафедрасының профессоры, Новосібір қ., Ресей

Галеева А.К. – х.ғ.к., қауымдаст. профессор, химия және химиялық технология факультетінің деканы

Аубакиров Е.А. – химия ғылымдарының докторы, профессор, әл-Фараби атындағы ҚазҰУ физикалық химия, катализ және мұнайхимия кафедрасының меңгерушісі, Алматы, Қазақстан

Ұйымдастыру комитетінің мүшелері

Ляхов Н.З. – Ресей ғылым академиясының академигі, ҚДХМИ, РҒА СБ кеңесшісі, Новосібір, Ресей

Немудрый А.П. – химия ғылымдарының докторы, ҚДХМИ, РҒА СБ директоры, Новосибирск, Ресей

Некрасов В.В. – т.ғ.к., НМТУ халықаралық байланыстар жөніндегі проректоры, Новосибирск, Ресей

Загоруйко А.Н. – техника ғылымдарының докторы, жетекші ғылыми қызметкер, РҒА ИК СБ, Новосибирск, Ресей

Апарнев А.И.- х. ғ. к., доцент, НМТУ, XXT кафедрасының меңгерушісі., Новосибирск, Ресей

Qamar Abbas - PhD, ass. prof., Graz University of Technology, Austria

Оспанова А.К. – физикалық химия, катализ және мұнайхимия кафедрасы профессоры

Тунгатарова С.А. – х.ғ.д.,проф. Д.В.Сокольский атындағы Отын, катализ және электрохимия институты, ҚазҰУ әл-Фараби, Алматы, Қазақстан

Василина Г.К. – х.ғ.к., физикалық химия, катализ және мұнайхимия кафедрасы аға оқытушысы, Алматы, Қазақстан

Бәкірова Б. С. - PhD, физикалық химия, катализ және мұнайхимия кафедрасы аға оқытушысы, Алматы, Қазақстан

Алишева Ж.Н. – PhD, доцент м.а. физикалық химия, катализ және мұнайхимия кафедрасы аға оқытушысы, Алматы, Қазақстан

Жергілікті комитет

Логинов А.В. – конференция жауапты хатшысы, ХХТ НМТУ каф.ассистенті, Новосібір, Ресей

Турло Е.М. – п.ғ.к., ХХТ НМТУ каф. доценті, Новосібір, Ресей

Брестер А.Г. – ХХТ НМТУ каф.ассистенті, Новосібір, Ресей

Байланыс үшін: chem@conf.nstu.ru.

"БІЛІМ БЕРУДЕГІ ИННОВАЦИЯЛАР" ХАЛЫҚАРАЛЫҚ ҚЫСҚЫ МЕКТЕБІ

10 қаңтар 2023 жыл

Әл-Фараби атындағы Қазақ ұлттық университетіндегі заманауи жоғары оқу орнының дайындығы әлемдік білім беру жүйелерімен интеграциялау мақсатында Болон декларациясында белгіленген шараларды енгізуге және практикалық іске асыруға бағытталған. Бірыңғай білім беру кеңістігіне кіру құралы халықаралық стандарттар мен сапа критерийлеріне сәйкес келу, жоғары оқу орны шығаратын мамандардың дипломдары мен сертификаттарын тану мақсатында оқу жетістіктерін өзара есепке алудың кредиттік жүйесіне көшу болып табылады. Халықаралық мектеп тыңдаушыларды білім беру процесіне кредиттік жүйені енгізу тәжірибесімен, келешегі бар міндеттермен, сондай-ақ "Физикалық химия" пәні бойынша базалық дәріс курсын оқу әдістемесін жетілдіру және Кайдзен тұжырымдамасының құралдарын қолдана отырып, университеттік білім беруге заманауи әдістемелерді тарту арқылы білім алушылардың танымдық қызметін жандандыру тәсілдерімен таныстыру міндетін қояды.

Қысқы мектеп жұмысына Өзбекстан мен Қырғызстанның жоғары оқу орындарының тыңдаушылары қатысты. Барлығы 118 адам қатысты, олардың арасында Ташкент фармацевтикалық институтының, Навои тау-кен металлургия университетінің, И. Арабаев атындағы Қырғыз мемлекеттік университетінің оқытушылары болды. Сондай-ақ, Қазақстанның жоғары оқу орындарының өкілдері қатысты: Л. Гумилев атындағы Еуразия ұлттық университеті, М. Әуезов атындағы Оңтүстік Қазақстан университеті, М. Қозыбаев атындағы Солтүстік Қазақстан университеті, Алматы технологиялық университеті, А. Сағынов атындағы Қарағанды мемлекеттік техникалық университеті, С. Торайғыров атындағы Павлодар мемлекеттік университеті, Қорқыт ата атындағы Қызылорда университеті, Әл-Фараби атындағы Қазақ ұлттық университеті.

Қысқы мектеп тыңдаушылары кредиттік оқыту жүйесі, жаппай ашық онлайн-курстар (ЖАОК) құру, сондай-ақ мамандарды даярлау кезінде ЖОО қызметін жаңғыртудың тиімді тетігі бола алатын білім беру процесіне Кайдзен тұжырымдамасын енгізу мәселелеріне ерекше қызығушылық танытты.