2023 жылғы 27 желтоқсанда Алматы қаласында жаңа 2024 жыл қарсаңында қайырымдылық акциясы басталды, оның бастамашысы әл-Фараби атындағы Қазақ ұлттық университеті Медицина және денсаулық сақтау факультетінің "Денсаулық сақтау саясаты және ұйымдастыру" кафедрасының профессор-оқытушылық құрамы, студенттері, магистранттары мен докторанттары болып табылады.           Акцияның мақсаты-жаңа жыл қарсаңында “Қалалық паллиативтік көмек орталығы” на қолдау көрсету. Биылғы жылы кафедра командасы акция аясында қарттарымыз бен паллиавтиті көмекке мұқтаж жандарға дәрі-дәрмектер, жаялықтар мен жеке күтім заттарын тапсырды.          Хоспис қызметкерлері әріптестерімізді өте жылы қарсы алып, ризашылықтарын білдірді. Қарттарымыз да шексіз ризашылықтарын білдірді. Әкімшілік тарапынан ұйымдастырушы ретінде бастамашы болған “Денсаулық сақтау саясаты және ұйымдастыру” кафедрасына “Алғыс хат” табысталып, естелік фотолар жасалды.