«Бухгалтерлік есепке, бизнес практикасы мен біліміне COVID-19 әсері»
Көрулер: 1429
Польшадағы Вроцлав экономика және бизнес университетінің “Шығындар, салықтық менеджмент және бақылау кафедрасының” доценті Джоанна Дычковска редакциялаған «Бухгалтерлік есепке, бизнес практикасы мен біліміне COVID-19 әсері» монографиясының Бизнес технологиялар кафедрада презентациясы өткізілді. 11 тараудан тұратын кітапта COVID-19 пандемиясының күрделі әсері туралы түсінік берілген. Онда нақты үкіметтер, агенттіктер мен бизнес ұйымдар денсаулық дағдарысына қалай әрекет еткені сипатталған. Сонымен қатар, үкіметтер халықтың сенімін сақтауға және олардың күнделікті жұмысының үздіксіздігін қамтамасыз етуге тырысты. Монографияны Польша, Германия, Словакия, Румыния, Бразилия, Италия және Қазақстан ғалымдары бірлесіп жазды. Әл-Фараби атындағы Қазақ университетінің қашықтықтан оқытуға көшу тәжірибесін сипаттаған авторлардың бірі – «Бизнес технологиялар» кафедрасының аға оқытушысы, э.ғ.к. Еримпашева Аида Тілектесқызы. Тараудың негізгі хабары - инновациялық технологияларды қолданатын цифрлық стратегиялар студенттерге пандемия әсеріне бейімделуге көмектесетінін дәлелдеу.