2021 жылғы 17-19 наурыз аралығында әл-Фараби атындағы Қазақ ұлттық университетінде "құзыреттілік-бағдарланған тәсіл контекстінде білім беру бағдарламалары мен оқу пәндері бойынша күтілетін оқу нәтижелерін бағалау тәсілдері" атты 51-ші университеттік ғылыми-әдістемелік конференция онлайн режимінде өтті.

Конференцияның мақсаты түлектердің білім беру бағдарламалары мен кәсіби біліктіліктерінің мазмұнын қалыптастыратын құзыреттілік жүйесі ретінде оқыту нәтижелерін бағалаудың әдіснамалық тұжырымдамасын негіздеу болды.

Конференцияға бүкіл университеттің профессорлық-оқытушылық құрамы қатысты. Саясаттану және саяси технологиялар кафедрасының атынан тарих ғылымдарының кандидаты, доцент м.а. Рахымбекова Бақыт Қуанышбекқызы, PhD, аға оқытушы Халикова Шахназа Бахитжановна, философия ғылымдарының докторы, профессор Әбдіғалиева Гүлжан Қанайқызы "Саясаттану" ББ іске асыруда құзыреттілікке-бағытталған тәсілдемені қолдану" тақырыбында баяндама жасады.

Конференцияны оқу ісі жөніндегі проректор, физика-математика ғылымдарының кандидаты Асқар Құсыпбекұлы Хикметов өз сөзімен аяқтады. Ол сөз сөйлеген барлық оқытушыларға алғысын білдіріп, оларға табысты педагогикалық қызмет тіледі.

www.kaznu.kz

А.А. Абжаппарова

Ш.Б. Халикова