18 ақпан күні жалпы және қолданбалы психология кафедрасының аға оқытушысы Борбасова Гүльнұр Нұрсайынқызының ұйымдастыруымен “Айналаңды нұрландыр” жобасы бойынша “Алғыс айту күні” атты ашық сабақ өткізілді, іс-шараға жалпы және қолданбалы психология кафедрасының психология мамандығының 3курс 1топ студенттері ат салысты.

Ашық сабақ мақсаты:

• 1) 1-наурыз – алғыс айту күні еліміздің президенті Н.Ә. Назарбаевтың жарлығымен жарияланғанын және алғыс кімге, не үшін айтылатынын айқындау мақсатын көздеді. Студенттер ата-анаға мәпелеп асырағаны үшін, мұғалімге білім-тәрбие бергені үшін, Отан соғысы ардагерлеріне жеңіс үшін, жалпы кез-келген жақсылықпен көмекке алғыс айтылатыны туралы ойларын ортаға салды.
• 2) Мемлекет басшысының «Мәңгілік Ел» жалпыхалықтық идеясын зерделеу және қазақ халқының алатын орнын сол идеяны жүзеге асырудағы рөлі арқылы студенттердің бойында Отанына деген патриотизмін тәрбиелеу, рухани-адамгершілігін қалыптастыру.
• 3) Білім алушылардың этносаралық және мәдениетаралық байланыс жағдайларында тағаттылығы мен қарым-қатынас жасау біліктілігін дамыту.

Іс-шара барысында өлең оқып, көрініс қойып, сұрақ-жауап сайысын өткізді, іс-шараға студенттер белсене қатысып жан-жақты өнерлерін қөрсете білді, іс-шара арқасында әр студент алғыс айтудың маңыздылығын кеңінен ұғына түсті жәнеде өзге елдерде алғыс айту күні қалай өтетіні жәйлі ақпарат алынып,талданды.

Қорытындыласақ, Алғыс – біреудің екінші біреуге ықыласын білдіруі, рахмет айтуы. Алғысты сөзбен немесе қимыл, іс-әрекет, заттай сыйлық беру, тіпті жақсы қарым-қатынас түрінде де білдіруге болады. Әркім Алғыс алу арқылы өзінің басқалармен қарым-қатынасын, өмірдегі орнын бағалай алады. Қазақ халқының ұғымында неғұрлым көп Алғыс алған адам бақытты болады. “Алғыспен ер көгерер” деген мәтел соған меңзейді. Алғысқа қарсы мағына – қарғыс.