2023 жылы 6 қазанда спорт Ұлттық академиясының қабырғасында (София қ., Болгария) "Спорт және қауіпсіздік" атты жетінші халықаралық конференция өтті.

Конференцияны НСА ректоры (София қ., Болгария) және психология ғылымдарының докторы, көркем гимнастика бойынша Болгария ұлттық құрамасының психологы - Татьяна Янчева ашты.

Дөңгелек үстелге жоғары деңгейдегі мамандар қатысты, атап айтқанда: Үкімет, София қаласының мэрі-Иорданка Фандыкова, Жастар және спорт министрі - Даниела Дашева, Болгария ұлттық құрамаларының бас жаттықтырушылары, Болгария спорт федерацияларының президенттері, Спорт және спорт психологиясы саласындағы отандық және халықаралық ғылыми сарапшылар, сондай-ақ қауіпсіздік қызметінің мамандары мен өкілдері болды.

Конференцияның негізгі мәселелері:

• Дене шынықтыру және спорт үшін қауіпсіз және сенімді орта.
• Қоғамдық қауіпсіздік тәртібі және спорттық іс-шараларға қатысушылардың қауіпсіздігі
• Спорттағы зорлық-зомбылық - формалары, көріністері, жеңу жолдары
• Жаттықтырушыға психологиялық қысым
• Ақпараттық қауіпсіздік, жалған жаңалықтар, әлеуметтік медиа
• Спорт - жастар арасындағы агрессия мен зорлық-зомбылықтың, спорттағы бұзақылық пен нәсілшілдіктің алдын алу және оған қарсы тұру факторы ретінде.

Конференция аясында спорт саласындағы жетекші ғылыми қайраткерлердің, еңбек сіңірген жаттықтырушылар мен қауіпсіздік қызметі мамандарының баяндамалары ұсынылып, шеберлік сыныптары өткізілді.

Конференцияда Қазақстан атынан ҚазҰУ докторанты, спорт психологы, Ю. Н.Красмик және Б. Р. Рахмалин, ҚазСТА магистранты, дене шынықтыру педагогы қатысты.

Мақаланың авторлары – жалпы және қолданбалы психология кафедрасының докторанты Ю.П. Красмик және кафедра профессоры О.Х. Аймағанбетова.