Филология, әдебиеттану және әлем тілдері факультеті – әл-Фараби атындағы Қазақ ұлттық университетінің ең ежелгі факультеттерінің бірі, 1937 жылы құрылған. Оқыту ісі көпдеңгейлі жүйе бойынша жүзеге асырылады: бакалавриат; магистратура; PhD докторантура
Бакалавриат түлегі «филология бакалавры» академиялық деңгейі берілетін оқыған мамандығы бойынша квалификацияға ие болады.
Факультетте екі бағыт бойынша магистрлер дайындалады:
1) Филология ( профиль бойынша). Ғылыми маманданулары: қазақ әдебиеті, әдебиет теориясы, фольклортану, салыстырмалы әдебиеттану, қазақ тілі, орыс тілі, тіл теориясы;
2) Лингвистика (профиль бойынша). Ғылыми маманданулары: қазақ тілі, орыс тілі, тіл теориясы
Факультетте студенттерді негізгі мамандықтар бойынша оқыту ісі екі тілде жүргізіледі: шет тілдердің бірін біле отырып қазақ және орыс тілдерінде.
Факультетте 190 оқытушы, ҚР ҰҒА 3 академигі, ЖМ ХҒА 3академигі, 4 ҚР ғылымына еңбек сіңірген қайраткері, 1 Қазақстанның Халық жазушысы, 11 Қазақстан Жазушылар Одағының мүшесі, 37 ғылым докторы, профессорлар; 74 ғылым кандидаты, доценттер қызмет етеді.
Факультетте 8 кафедра бар:
Мемлекеттік тіл кафедрасы;
Гуманитарлық факультеттерге арналған шет тілі кафедрасы;
Жаратылыстану факультеттеріне арналған шет тілі кафедрасы;
Қазақ әдебиеті тарихы және әдебиет теориясы кафедрасы;
Қазақ филологиясы кафедрасы;
Жалпы тіл білімі және шетел филологиясы кафедрасы;
Орыс филологиясы, орыс және әлем әдебиеті кафедрасы;
Аударма теориясы және әдіснамасы кафедрасы.
Факультетте күрделі ғылыми және практикалық мәселелерді шешуге қабілетті, біліктілігі жоғары мамандар тобы бар. Факультетте: 3 компьютер класы, 2 лингафон кабинеті, 1 Интранет класс, қазақ тілі кабинеті, ағылшын тілі кабинеті, аудиокласс, психолингвистикалық және әлеуметтік лингвистикалық зерттеулер лабораториясы, қазақ фольклортануының оқу-зерттеу лабораториясы бар.
