Дайындық бағыты

7M023 – ТІЛДЕР ЖӘНЕ ӘДЕБИЕТ

Білім саласы

7M023 – ТІЛДЕР ЖӘНЕ ӘДЕБИЕТ

Бағдарлама атауы

«7m02313– Қазақ филологиясы»

Мақсаты

Қазақ филологиясының ғылыми-теориялық негіздерін, оны зерттеудің инновациялық әдістерін меңгерген ғылыми қызметкер, білім беру мекемелерінде заманауи технологияларды қолдана білетін академиялық біліктілігі жоғары оқытушы, масс-медиа редакторын, ғылым және білім беру, басқару-әкімшілік саласындағы менеджер дайындау.

Оқыту нәтижелері

1. Әлемдік ғылым кеңістігіндегі философияның ролін зерделеу. Қазіргі ғылыми парадигмалар аясында ғылым тарихы, философия, психология, педагогиканың теориялық-әдіснамалық қағидаттарын білім беру және кәсіби мақсаттағы мәселелердің шешімін табуда қолдану.

2. Қазақ филологиясының негізгі заңдылықтарына сүйеніп, тіл мен әдебиет теориясы, тарихы салаларының қағидаларын меңгеріп, жаңа ғылыми парадигмалар негізінде белсенді үдерістерді, пәнаралық өзекті мәселелерді айқындауда білімнің когнитивтік нәтижелерін құзыреттілік құралы ретінде пайдалану.

3. Пәнаралық білім негізінде филологиялық зерттеу методологиясын меңгеріп,   зерттеу жүргізуде заманауи әдістердің басым және әлсіз тұстарын бағалай отырып, технологиялық шешімін табу.

4. Білім беру бағдарламасының бейініне сәйкес, әлемдік халықаралық тәжірибеге, ұлттық құндылықтарға, тіл мен әдебиеттің   қағидаларына (антропоөзектілік, андроөзектілік, мәтін, мәнөзектілік) негізделген магистрлік диссертация жазу, дәйексөз индексі жоғары «Scopus» деректер базасындағы, БҒСБК ұсынған журналдарда мақалалар жариялау.

5. Лингвопоэтика, лингвокогнитология, лингвоэкология, лингвоаксиология, психолинвистика, функционалды стилистика т.б. тіл білімі бағыттарының теориялық және әдіснамалық негізін меңгеріп, өзекті ғылыми-теориялық тақырыптар бойынша жоба ұсыну, ұжымдық зерттеу жұмыстарына қатысу.

6. Ғылыми зерттеу үдерісінде және тиісті кәсіби салада қарым-қатынас құралы ретінде шет тілдерін қолдана білу.

7. Қазақ тілінің синхрониялық сипатын іргелі филологиялық білім негізінде диахрониялық тұрғыда саралау. Салыстырмалы-тарихи, этимологиялық, типологиялық зерттеу әдістерін пайдалана отырып сөздіктер құрастыруға қатысу.

8. БАҚ саласында, ақпараттық-аналитикалық орталықтарда басымдыққа ие тақырыптарды іріктеу: түрлі дереккөздерден маңызды деректерді жинау, талдау, саралау. Материалды БАҚ форматының талабына және аудитория сұранысына сай сәйкестендіру. Материалды редакциялауда автор ойының мағынасын толық ашатын әдістерді қолдану, мәтінді орфография, пунктуация ережелеріне сәйкес түзету, публицисткалық стильге сай өңдеу.

9. Алаштық зерттеушілердің тұжырымдарын бүгінгі таңдағы тіл біліміндегі жаңа бағыттармен, инновациялық парадигмалармен байланыстыра талдау. 

10. Ұлттық кодты – ұлттық құндылықтардың негізі, түпқазығы ретінде қарастырып, оның тілдегі көрінісіне түркі және қазақ ғұламалары еңбектері негізінде когнитивтік кешенді талдау жасау.

11. Басқару психологиясын игеріп, білім беру және ғылым саласында менеджер болу, басқару-әкімшілік саласында, құзырлы орындарда, тіл саясаты бөлімдерінде филолог маман ретінде тілдік жағдаятты экстралингвистикалық үдерістермен байланыстыра отырып баға беру.

12. Білім беру мекемелерінде кәсіби педагогикалық қызметті жүзеге асыру. ЖОО-да оқытуға қажетті әдістемелік, теориялық, тәжірибелік ұғым-түсініктерді білу, түсіну. Заманауи технологияларды, оқыту әдіс-тәсілдерін қолдану. Алдыңғы қатарлы педагогикалық тәжірибелерді, дәстүрлі және жаңа әдістерді меңгеру, тәжірибе жүзінде қолдану. Оқу үдерісінде бағдарлама мазмұнын жасауға қажетті материалдарды білу.

13. Ұлттық әдебиет дамуында дара орындары бар ұлы тұлғалардың өмірбаяндық, шығармашылық ізденістерін кешенді түрде саралау, ғылыми зерттеу жүргізу. Әдеби шығармаларды зерттеуге қатысты талдаудың қазіргі әдістерін сыни бағалау.

14. Ұлттық әдебиеттің құрылымын зерттеу бағыттары мен көркемдік-эстетикалық ерекшеліктерін, философиялық-әдістемелік мәселелерін саралау, көркем шығарманы мәдениет феномені ретінде талдап, әдеби шығарманы жалпы адамзаттық құндылықтардың аксиологиясы ретінде қарастыру.

Оқыту түрі

Күндізгі

Оқыту тілі

Қазақ

Кредит саны

240

Берілетін академиялық дәреже

«7М02313 – Казақ филологиясы»

білім беру бағдарламасы бойынша

филология ғылымдарының магистрі

Лицензия

KZ27LAA00019309

Аккредитация

Бар

Аккредитация атауы

ACQUIN

Аккредитация мерзімі

27.09.2016-30.09.2021