2023 жылдың 17 сәуірінде ҚР ІІМ М. Букенбаев атындағы Ақтөбе заң институтының жалпы заң пәндері кафедрасының ұйымдастыруымен біліктілікті арттыру курсында білім алып жүрген учаскелік полиция инспекторларына онлайн режимде Конституциялық және әкімшілік құқық саласындағы білікті маман, әл-Фараби атындағы ҚазҰУ Заң факультетінің мемлекет және құқық теориясы мен тарихы, конституциялық және әкімшілік құқық кафедрасының профессоры, заң ғылымдарының докторы Калишева Нажия Хусаиновнаның «Конституциялық реформа: Қазақстан Республикасындағы мемлекеттік басқарудың қазіргі кезеңдегі трансформациясы» тақырыбында қонақ дәрісі өтті.

2023 жылдың 6 сәуірі мен 8 сәуірі аралығында әл-Фараби атындағы Қазақ ұлттық университетінде студенттер мен жас ғалымдардың дәстүрлі «Фараби әлемі» халықаралық конференциясы өтті. Конференцияға заң факультетінің студенттері, жас ғалымдары мен оқытушылары белсене қатысты.

2023 жылы 28 ақпанда Әл-Фараби атындағы Қазақ Ұлттық Университетінде Алматы қаласы заң кеңесшілерінің төрағасы Г. А. Бердібекова мен 1 курс студенттерінің «Қазақстан Республикасындағы Парламент сайлауы. Студенттерді сайлау мәселлері бойынша ақпараттанлыру» тақырыбында кездесу өтті.

Бұл кездесудің ұйымдастырушылары мемлекет және құқық теориясы мен тарихы, конституциялық және әкімшілік құқық кафедрасының оқытушылары Баймаханова Д.М. және Құсайынов Д.О.

Гүлнар Әуелбекқызы сайлау заңнамасындағы жаңалықтар туралы презентациямен студенттер алдында сөз сөйледі.

Құрметті талапкерлер!

Сізді "FARABI UNIVERSITY OPEN DOORS" ашық есік күніне шақырамыз.

Аталған іс-шара заң факультетінде 2023 жылғы 24 ақпанда сағат 11:00-де өткізіледі.

Қазақстан Республикасының Президенті Қасым-Жомарт Кемелұлы Тоқаев жариялаған демократиялық реформалар шеңберінде ғылыми әлеуетті дамыту, ғылыми кадрларды даярлау және жаңа ғылыми технологияларды қоғам өміріне енгізу сияқты мақсаттарды алға қойған ғылыми ұйымдар белсенді дамып келеді.

Заң ғылымдарының докторы, мемлекет және құқық теориясы мен тарихы, конституциялық және әкімшілік құқық кафедрасының профессоры, әл - Фараби атындағы Қазақ ұлттық университеті ректорының кеңесшісі Е. Е. Дүйсенов көрнекті мемлекет қайраткері Д. А. Қонаевтың 110 жылдығына орай шығарылған мерейтойлық медальмен марапатталды.

2022 жылдың 1 желтоқсанда «Құқықтағы әділеттілік» ғылыми қоғамдастығының шеңберінде кафедра профессоры з.ғ.д. Н. Калишеваның жетекшілігімен, Әкімшілік құқық бұзушылық жөніндегі мамандандырылған сот судьялары Алдабек Ержан Әбдіразақұлы мен Кузетаева Динара Зарыкбекқызының жетекшілігімен « әкімшілік талап-арыздар: теория және тәжірибе» тақырыбында дәріс өтті.

8 қараша, 2022 ж. Әл-Фараби атындағы ҚазҰУ-нің Заң факультетінде мемлекет және құқық теориясы мен тарихы, конституциялық және әкімшілік құқық кафедрасының меңгерушісі, з.ғ.д., профессор Ибраева Алуа Саламатовнаның бастамасымен факультет деканы, з.ғ.д., профессор Байдельдинов Даулет Лаиковичтің және деканның оқу-әдістемелік және тәрбие жұмысы жөніндегі орынбасары, з.ғ.к., профессор Ахатов Уалихан Акыпбековичтің, сондай-ақ факультеттің профессорлық-оқытушылық құрамының қатысуымен 2022 жылдың 14-16 қазаны аралығында Арменияның Ереван қаласында 24 мемлекеттен 500-ден аса балуандары қатысқан самбодан кіші жасөспірімдер, жасөспірімдер мен жастар арасындағы әлем чемпионатының қола жүлдерегі заң факультетінің 2-ші курс студенті (ҚТ-201 / куратор: з.ғ.к., доцент Турсынкулова Динара Ахановна) Әбдімажит Серікпен кездесу өткізілді.

2022 жылдың 1-ші қарашасы күні сағат 11:00-де Әл-Фараби атындағы ҚазҰУ Заң факультетінің 1-ші курс студенттерінің қатысуымен психолог Тастанов Амангелді Мейрамбекұлы «Лудомания» (құмар ойынға тәуелділік) тақырыбы бойынша арнайы семинар-тренинг өткізді.

Әл-Фараби атындағы ҚазҰУ Заң факультетінде факультет оқытушыларына "Ерен еңбегі үшін" медалі табысталды. Марапатты әл-Фараби атындағы Қазақ ұлттық университетінің ректоры Ж.К. Түймебаев атынан заң факультетінің деканы з. ғ. д., профессор Д. Л. Байдельдинов табыс етті.