Бірінші қадам – Үйлестірушінің мекенжайына жобаны жіберу

Үйлестіруші

Әл-Фараби атындағы Қазақ Ұлттық университеті (бұдан әрі – ҚазҰУ).

Ғайрат Сапарғалиев атындағы мемлекет және құқық ғылыми-зерттеу институты (бұдан әрі – Институт) НҚА жобаларына сыбайлас жемқорлыққа қарсы ғылыми сараптама өткізу бойынша ҚазҰУ қоса атқарушысы болып табылады.

Сараптама өткізілетін норма шығару процесінің кезеңі

НҚА жобаларына сыбайлас жемқорлыққа қарсы ғылыми сараптама әділет органдарына (ӘМ және ӘД) оны келісуге енгізгенге дейін өткізіледі.

Сараптамаға құжаттарды жеткізудің электронды тәсілі

ҚазҰУ және Институт Documentolog жүйесінде, Мемлекеттік органдардың электрондық құжат айналымының бірыңғай жүйесі (бұдан әрі - ЭҚАБЖ) тіркелген.

НҚА жобасын электронды жүйе арқылы жібергенде «адресат» жолында әзірлеуші «Әл-Фараби атындағы Қазақ Ұлттық университеті және Ғайрат Сапарғалиев атындағы мемлекет және құқық ғылыми-зерттеу институтын» таңдайды.

Анықтамалық: ЭҚАБЖ немесе Documentolog бойынша құжаттарды жібергенде жобаның қағаз нұсқасын ұсыну қажеттілігі жоқ, себебі «Электрондық құжат және электрондық цифрлық қолтаңба туралы» Қазақстан Республикасының заңы бойынша ЭЦҚ арқылы куәландырылған электронды құжат қағаз тасығышта қол қойылған құжатқа тең.

Құжаттарды жеткізудің қағаз әдісі келесі мекенжайлар бойынша жүзеге асырылады:

Орналасқан жері мен өкілдердің байланыс деректерін Институттың сайтынан табуға болады – https://niis.kz/

Материалдарды қолмен немесе почта сервистері арқылы жіберген жағдайда жобаны institutsapargalieva@gmail.com электронды адресіне жіберу қажет

Сараптамаға жіберілетін материалдар

Сыбайлас жемқорлыққа қарсы ғылыми сараптаманы өткізу үшін әзірлеуші үйлестірушіге келесі материалдарды жібереді:

1) нормативтік құқықтық актінің жобасы (қазақ және орыс тілдерінде);

2) нормативтік құқықтық актінің жобасына түсіндірме жазба (қазақ және орыс тілдерінде) (бар болса);

3) енгізілетін өзгертулер және толықтыруларды тиісті негіздеумен қолданыстағы нормативтік құқықтық актілерге өзгертулер мен толықтырулар енгізгенде нормативтік құқықтық актінің жобасына салыстырмалы кесте (қазақ және орыс тілдерінде);

4) заң жобасының тұжырымдамасы (қазақ және орыс тілдерінде) (бар болса);

5) зерттелетін проблема бойынша статистикалық деректер (бар болса).

Сыбайлас жемқорлыққа қарсы ғылыми сараптаманы өткізу туралы талап мынадай жобаларға қолданылмайды:

     Қазақстан Республикасы Президентінің нормативтік құқықтық жарғыларына;

     Қазақстан Республикасы Қауіпсіздік кеңесінің төрағасының нормативтік құқықтық актілеріне;

     Қазақстан Республикасы Парламентінің және оның палаталарының нормативтік қаулыларына;

     Конституциялық кеңестің нормативтік қаулыларына;

     Қазақстан Республикасы Жоғарғы сотының нормативтік қаулыларына;

     Қазақстан Республикасы Президентінің қарауына Қазақстан Республикасы Президентінің жарғы жобалары және Қазақстан Республикасы Парламенті Мәжілісінің қарауына заңнамалық актілерді енгізуді көздейтін Үкімет қаулыларына;

     нормативтік құқықтық актілерді күші жойылған деп тану бойынша нормативтік құқықтық актілерге;

     Қазақстан Республикасының ветеринария саласындағы заңнамасында көзделген жағдайларда тиісті аумақта карантиндік режимді енгізе отырып, карантиндік аймақты белгілеу (күшін жою) туралы, карантинді және (немесе) шектеу іс-шараларын белгілеу (алып тастау) туралы шешімдер қабылдауды, сондай-ақ табиғи және техногендік сипаттағы төтенше жағдайды жариялауды көздейтін нормативтік құқықтық актілерге;

     Үгіттеу баспа материалдарын жариялауға арналған орындарды анықтау және сайлау учаскелерін құру туралы нормативтік құқықтық актілерге;

Әкімшілік-аумақтық бірлікті құру, тарату және түрлендіру, олардың шекараларын және бағыныштылығын анықтау және өзгерту, оларды атау және қайта атау туралы, сондай-ақ олардың атауларының транскрипциясын нақтылау және өзгерту туралы құқықтық актілерге;

       елді мекендердің құрамды бөліктерін атау және қайта атау, сондайа-ақ олардың атауларының транскрипциясын нақтылау және өзгерту туралы нормативтік құқықтық актілерге;

     республикалық және жергілікті маңызы бар тарих және мәдениет ескерткіштерінің мемлекеттік тізімін бекіту туралы нормативтік құқықтық актілерге;

     барлық деңгейдегі бюджеттерді бекіту туралы нормативтік құқықтық актілерге;

     Қазақстан Республикасының Ұлттық қорынан кепілдендірілген трансферт туралы нормативтік құқықтық актілерге;

     республикалық маңызы бар қалалар, астана бюджеттері, республикалық және облыстық бюджеттер арасындағы жалпы сипаттағы трансферттердің көлемдері туралы нормативтік құқықтық актілерге;

     Қазақстан Республикасының заңнамасында көзделген бағалар, шектік тарифтерді бекіту туралы нормативтік құқықтық актілерге;

     қауымдық сервитут белгілеу туралы нормативтік құқықтық актілерге;

     әкімшілік мемлекеттік лауазымдарға біліктілік талаптарын бекіту туралы нормативтік құқықтық актілерге;

     мемлекеттік құпиялар және өзге де заңмен қорғалатын құпияны қамтитын, сондай-ақ "Қызметтік пайдалану үшін", "Баспада жариялаусыз", "Баспаға арналмаған" белгісі бар нормативтік құқықтық актілерге.

     Бұл ретте сыбайлас жемқорлыққа қарсы ғылыми сараптама өткізу туралы талап сондай-ақ Ереженің осы тармағымен көзделген нормативтік құқықтық актілерге өзгертулер мен толықтырулар енгізуді көздейтін нормативтік құқықтық актілерге қолданылады.

Екінші қадам – сараптама өткізу

Сараптама өткізу мерзімдері

Ережеге сәйкес сыбайлас жемқорлыққа қарсы ғылыми сараптама өткізу мерзімі заңға бағынышты НҚА жобалары бойынша 10 жұмыс күніне дейін және заң жобалары бойынша 15 жұмыс күні. Қажеттілігі болғанда және әзірлеушінің келісімімен сараптама өткізу мерзімі 5 жұмыс күніне дейін ұзартыла алады.

Сараптама қорытындысы

Сараптама қорытындылары әзірлеушіге ілеспе хатпен уәкілетті тұлғаның ЭЦҚ қойылған құжат айналымы жүйесі арқылы жіберіледі. Бұдан басқа, қорытындылар КазҰУ https://www.kaznu.kz/ru ресми интернет-ресурсында жарияланады.

Сараптама өткізу кезінде сарапшылармен өзара әрекеттесу

Сараптама қызметінің тәуелсіздігі принципін сақтау мақсатында сараптама өткізу кезінде сарапшылармен өзара әрекеттесу мүмкін емес.

Үшінші қадам – сараптама өткізгеннен кейін өзара әрекеттесу

Кеңестік кездесулер

Әзірлеуші нормативтік құқықтық акті жобасына сыбайлас жемқорлыққа қарсы ғылыми сараптама қорытындысын дайындаған сарапшылар тобы немесе сарапшымен кеңестік кездесуді ұйымдастыруға құқылы.

Сарапшының ұсынысын қабылдау немесе қабылдамау негіздемесімен хатты жіберу

Сараптамалық қорытынды ұсыныстарымен келіспеген жағдайда әзірлеуші 10 жұмыс күні ішінде келіспеу себептерін негіздеумен жауапты ҚазҰУ немесе Институттың мекенжайына жіберуі тиіс.

Егер қорытынды әзірлеушінің құзыретіне жатпайтын ұсыныстарды қамтыса, әзірлеуші оларды құзыретіне тиісті позицияны қалыптастыру үшін осындай сұрақтарды қарау кіретін мемлекеттік органдарға жібереді.

Қорытындыны алғаннан кейін 7 жұмыс күні ішінде құзыретіне сараптамалық қорытындыда қозғалатын сұрақтарды қарау кіретін мемлекеттік органдар аталмыш ұсыныстарды қарау бойынша шараларды қабылдауға және әзірлеушіге тиісті ақпаратты ұсынуға міндетті.

Қайталама сараптама

Егер НҚА жобасы Президент әкімшілігі, Премьер-Министр кеңсесі, әділет органдарының ескертулері және ұсыныстары бойынша түбегейлі өзгерістерге ұшыраса жобаны қайталама сараптамаға жіберу қажет. Қайталама сараптама 5 жұмыс күніне дейін өткізіледі.

________________________