Тұрақты даму мақсаттары-жер шарын қорғау және бейбітшілікті сақтау үшін қабылданған жаһандық мақсаттар. 2030 жылға дейінгі тұрақты даму мақсаттары 17 мақсатты іске асыру бойынша жұмыс істейтін болады.

Педагогикалық практика бойынша 29.03.2024 жылы Әл-Фараби атындағы ҚазҰУ-нің Механика-математика факультеті Механика кафедрасының, «8D07117 - Робототехникалық жүйелер» БББ 1 курс докторанты М.Қ. Сулейменов тұрақты дамудың 17 мақсаттарының бірі «Тұрақты қалалар мен елді мекендер» тақырыбында тәрбие сағатын өткізді.

Тәрбие сағатының басында кіріспе бөлімі өтті, содан кейін бүкіл әлемдегі урбанизацияның қазіргі жағдайы туралы ақпарат көрсетілді, соның ішінде:

-1950 жылдан бері әлемдегі қала және ауыл тұрғындарының динамикасын сипаттайтын график;

-қараңғы аудандарда тұратын адамдардың саны, дүние жүзіндегі қалалардың біріктірілген жер бетіндегі үлесі және т.б.

Қалаларға бетпе-бет келетін бес басты қиындықтарды және қалалар мен қауымдастықтар қауіпсіздік, денсаулық және экологиялық тұрақтылыққа қалай қол жеткізе алатыны да көрсетілген.

Тәрбие сағатында қалалар мен елді мекендер тұрғындарын су мен электр энергиясын ұқыпты тұтынуға, қалдықтарды сұрыптауға ынталандыру, кейіннен экологиялық және энергетикалық тұрақты болашақ деңгейге қол жеткізе отырып, дүниежүзінің жаңартылатын энергия көздеріне көшу үрдісін жеделдету сияқты маңызды мәселелерге тоқталды.

Қазіргі уақытта экологиялық тұрақтылыққа қол жеткізу үшін жүзеге асырылып жатқан жобалардың мысалдары ретінде Сингапур мемлекеті сияқты ақылды қалалар көрсетілген.

Сабақ соңында жоғарыда аталған қарастырылған мәселелерді талқылау қорытындысын шығара отырып, Механика кафедрасының доценті және педагогикалық тәжірибенің тікелей жетекшісі Ж.Т. Жұмашева және Роботтық жүйелер мамандығының 1 курс магистранттары өз пікірлерін білдірді.

Отандық және халықаралық еңбек нарығында бәсекеге қабілетті жоғары білікті мамандарды даярлау, тұрақты даму мақсаттарының бірі бойынша ғылыми-зерттеу және тәрбие жұмыстарын жүргізу университеттің осы мақсатқа жету үшін қосқан үлесі болып табылады.