9 сәуір сағат 14.00-ден 15.30-ға дейін. әл-Фараби атындағы ҚазҰУ, ЭжБЖМ, Менеджмент кафедрасы Экономика және бизнес Жоғары мектебі ұйымдастыруымен, «Пандемияның тұрақты даму мақсаттарына әсері: тенденциялар мен әсерлер» атты халықаралық ғылыми-тәжірибелік конференция шеңберінде "Пандемия жағдайындағы дағдарысқа қарсы басқару: механизмдер мен сценарийлер" (2021 жылғы 8-9 сәуір) тақырыбында 2-ші-секцияның отырысын өткізді.

Конференцияның мақсаты - COVID-19 пандемиясының болашақта ТДМ-ға жалпы қол жеткізуге әсерін талқылау, сондай-ақ дамушы елдердегі жағымсыз салдарларды азайтудың негізгі тетіктерін анықтау.

Келесідей сұрақтар талқыланды:

1. Пандемия кезінде бизнес субъектілерінің дағдарысқа қарсы шараларды қолдану тәжірибесі;
2. Пандемия жағдайында Қазақстанның 2025 жылға дейінгі дамуының жаңа стратегиялық жоспары: күшті және әлсіз жақтары;
3. COVID-19 пандемиясы жағдайында дағдарысқа қарсы мемлекеттік шешімдердің мүмкіндіктері мен шектеулері;
4. COVID-19 пандемиясының салдарын еңсеру кезіндегі қоғамдық басқарудағы жобалық технологиялар.

Конференцияға жетекші отандық және шетелдік ғалымдар мен сарапшылар қатысты.

Конференция секциясында спикерлер ретінде баяндама жасағандар:

-    "Жетісу" банкроттық саласындағы кәсіби басқарушылар одағы төралқасының төрайымы М.М. Кабикенова;

-    э.ғ.д., Тұңғыш Президент Қоры жанындағы Әлемдік экономика және саясат институты директорының орынбасары М.У. Спанов;

-    э.ғ.к., Ұлттық статистика бюросының Алматы облысы бойынша статистика департаменті басшысының орынбасары Б.Т. Токсеитов;

-    әлеуметтану ғылымдарының докторы, "БелГУ" ҒЗУ (РФ) Әлеуметтік технологиялар және мемлекеттік қызмет кафедрасының меңгерушісі В.А. Саприка;

-    Модератор: э.ғ.д., профессор, Менеджмент кафедрасының меңгерушісі А.Н. Тургинбаева.