Көңілді және тапқырлар клубы

Көңілді тапқырлар клубы – жоғары оқу орнының айрықша өнер жолдамасы. Әзіл-қалжыңдар, көңілді оспақтар, қызықты суырып салмалар – міне студенттік өмір дәл осылардан тұрады. 25-тен аса факультет командалары жыл сайын университеттің КТК Лигасы ойындарына қатысады. Бұл – ҚазҰУ КТК құрама командасы үшін ең үздіктерді іріктейтін таланттар шеберханасы.

«СКЛ - КазГУград» құрама командасы Қазақстанның үш дүркін чемпионы болып табылады. 2009 жылы университеттің КТК командасы Сочи қаласындағы ХХ Халықаралық фестивальда өнер көрсетіп, ТМД елдерінің ең үздік 50 командасының қатарына қосылды. Қазіргі уақытта өнерлі жастарымыз қалалық, республикалық КТК лигаларына дайындық жұмысымен айналысуда.

КТК мүшелері 1-курс студенттерін қарсы алу салтанатында

2010 жылдың 18-қарашасында Қазақ КТК лигасының 10-шы Республикалық КТК чемпионаты болып өтті. Жыл бойы жалғасқан ойынның ақтық сынына 7 команда жолдама алған болатын. Ойын өте әсерлі де қызық, ал, сайыскерлер бірінен-бірі өткен тапқыр болды. Сондықтанда, жеңіс туына қол жеткізу оңайға соққан жоқ. Дегенмен, үздік жетіліктің ішінен жүйрік танылған Әл-Фараби атындағы Қазақ ұлттық университетінің «ДОСТАР» командасы чемпион атанып, жеңіс кубогын қанжығаға байлап қайтты.