19 наурызда саясаттану және саяси технологиялар кафедрасының ұйымдастыруымен Еуразиялық интеграция институты директоры, Қазақстан Республикасы Президенті жанындағы қоғамдық сананы жаңғырту бағдарламасын жүзеге асыру бойынша құрылған Ұлттық комиссия мүшесі, ҚХА ғылыми-сараптамалық кеңесінің мүшесі Н. Калашниковамен кездесу өткізді.

Кездесу барысында «Рухани жаңғыру» бағдарламасы және оның алты жаплыұлттық жобаларын ары қарай жүзеге асыру бойынша мәселелер талқыланды. Сонымен қатар, , Елбасы, Қазақстан Республикасының президенті Н.Ә. Назарбаевтың «Қоғамдық сананы жаңғырту, болашаққа бағдар» бағдарламалық мақаласының шеңберінде, Еуразиялық интеграция институты ұсынған «Қазақстанның әлеуметтік модернизациясы» және «Қазақстан Республикасы коммуникативтік саясаты: заманауи жағдайы және дамуы» атты монографиялардың тұсауын кесті. Сондай-ақ, елбасының «Тәуелсіздік эрасы» атты кітабын саясаттану және саяси технологиялар кафедрасының кітапханасына сыйға тартты. Кездесу соңында сұрақтар қойылды.