Жыл өте өнімді басталды!!!

2023 жылдың 4-6 қаңтары аралығында әл-Фараби атындағы ҚазҰУ «Психологиялық технологиялар мен инновациялар» ғылыми-білім беру орталығы «Халықаралық қысқы психологиялық мектеп - 2023» өткізу үшін өз есігін ашты.

Қысқы мектеп жұмысы аясында online және offline форматтарда «Психологиялық шеберханалар: Интегративті қолданбалы психологияның негіздері мен технологиялары» ұйымдастырылды.

«Халықаралық Қысқы Психологиялық Мектеп - 2023» негізгі мақсаты адамның субъективті әл-ауқаты мен әлеммен үйлесімділік жетістіктерін ынталандыратын психологиялық технологияларды практикалық игеру болды.

Табысты іске асырылған міндеттер:

• Әлемдік қолданбалы психологияның жетістіктерімен танысу;
• Тіршілік әрекетінің түрлі салаларында қолданбалы психологияның қазіргі заманғы технологияларын меңгеру;
• Адамның әлемдегі өзіндік тиімділігіне байланысты психологиялық ғылым мен практиканың қолданбалы аспектілерін талдау және интеграциялау;
• Ынтымақтастықтың корпоративтiк мәдениетi мен психологиясын қалыптастыру.

Негізгі жұмыс нысандары: практикалаушы халықаралық және отандық психологтардың шеберлік сыныптары; тренингтер, түсіндіру стратегиялары, талдау және түзету.

Ұйымдастырушылар мен қатысушыларға үлкен алғыс!!!!

Халықаралық Қысқы Психологиялық Мектеп-2023 – бұл жаңа технологияларды игерудегі руханият, Диалог және ынтымақтастық аумағы!!!