АҚПАРАТТЫҚ ХАТ

Құрметті әріптестер!

Сіздерді әл-Фараби атындағы Қазақ ұлттық университеті, филология және әлем тілдері факультеті, қазақ әдебиеті және әдебиет теориясы кафедрасы 2016 жылдың 25 ақпанында өткізетін Жамбыл Жабаевтың 170-жылдығына арналған «Жамбылдың ақындық мұрасы және жамбылтанудың өзекті мәселелері» атты халықаралық ғылыми-практикалық конференцияға шақырады.
Конференция аясында 3 секция жұмыс істейді:
1-секция. Жамбыл шығармашылығы: дәстүр мен жанашылдық;
2-секция. Жамбыл шығармашылығын тәуелсіздік кезеңдегі зерттеу мәселелері;
3-секция. Жамбыл және қазақ айтыс өнері;
4-секция. Жамбыл шығармашылығы және қазақ халық поэзиясын оқыту әдістемесі.
Баяндамалар қазақ, орыс, ағылшын тілдерінің бірінде болуы тиіс.
Конференцияға ғылыми қызметкерлер, оқытушылар, докторанттар, магистранттар шақырылады.
Материалдар жариялану үшін 2016 жылдың 15 ақпанына дейін қабылданады.
Мақаланы безендіру талаптары:
1. Жариялауға ұсынылатын материалдар мазмұны мынадай болуы тиіс: а) мақала атауы; б) Автордың (авторлардың) Т.А.Ә. ғылыми дәрежесі, ғылыми атағы, жұмыс орны және қызметі көрсетіледі.
2. Мақала көлемі – 5 бет.
3. Материалдар қазақ, орыс және ағылшын тілдерінде қабылданады – Times New Roman. Кегль – 14. Жиек – барлық жағынан 2 см. Бір интервалмен терілуге тиіс. Азат жол арақашықтығы – 1 см.
4. Пайдаланылған әдебиеттер тізімі келтірілген дерек көздерінің толық шығу мәліметтерімен мақаланың соңында көрсетіледі. Дерек көздеріне сілтеме мақала мәтінінде жақшамен көрсетіледі (мысалы: [1, 89-б.]). Дерек көздерін қайталап келтіргенде алғашқы келтірілген дерек көзінің рет саны бойынша сілтемеде көрсетіледі.
5. Мақалаларға арналған аннотация ағылшын тілдерінде жазылады. (5-6 сөйлемнен аспауы керек).
6. Мақала электрондық және қағазға басылған түрде ұсынылады (1 дана.).
7. Жарияланым құны – 4000 теңге.
Жариялану үшін материалдар мына мекен-жай бойынша қабылданады: 050040, Казақстан Республикасы, Алматы қ-сы, Әл-Фараби д-лы, 71. КазҰУ, қазақ әдебиеті және әдебиет теориясы кафедрасы (3-ші қабат, 323, 325 каб.). Немесе e-mail: esoltanaeava@mail.ru жіберуге болады
Байланыс телефондары: Қазақ әдебиеті және әдебиет теориясы кафедрасы: +7 (727) 3773339, (ішкі 1328, 1330).