19.05.2021 жылы «Орыс тілі мен әдебиеті» мамандығының 2 курс студенттерімен биылғы жылы 85 жылдық мерейтойын атап өтетін қазақстандық ақын, тілтанушы, қоғам және саясат қайраткері Олжас Сүлейменовке арналған кураторлық сағат өткізілді. Ол-әлемдік деңгейдегі тұлға, ұлттың мақтанышына айналған ұлы ақын. Олжас Сүлейменов ғарышқа алғаш ұшқан адамдай поэтикалық орбитаға тез шықты. «Казахстанская правда» газетінің белгісіз тілшісі ғарышкер Ю. Гагаринге арналған «Земля, поклонись Человеку!» поэмасынан кейін танымалы болды. Осы оқиғадан бастап оның жарқын және темпераментті поэзиясы әлемнің көптеген бұрыштарында өзінің жанкүйерлерін табады. Әдебиеттегі алғашқы қадамдардан бастап ол еркін ойлауды мадақтайды және шындықты қорғайды. Ақын өзінің қызметі мен шығармашылығымен ата-бабаларды құрметтеуге, ұрпақтар алдындағы жауапкершілікті сезінуге үйретеді. Бүгінгі күнге дейін ол өзінің сенімі мен суретшінің өз сөзі үшін азаматтық жауапкершілігіне адал. Іс-шара барысында Олжас Омарұлының өмірі мен шығармашылығы туралы презентация көрсетілді, студенттер ақынның орындауындағы мұрағаттық бейнені көрді, эдвайзер Саяхмет Салика «Земля, поклонись Человеку!» поэмасынан үзінді оқыды.