Әл-Фараби атындағы ҚазҰУ, Шығыстану факультеті Таяу Шығыс және Оңтүстік Азия кафедрасы 2017 жылдың 29 қарашасында, сағат 10:00-де, Арабтану бөлімінің 40-жылдығы мен ф.ғ.к., доцент Б.А. Атабайдың 60-жылдық мерейтойына арналған «Шығыстану және шығыс тілдерін ооқыту әдістерінің өзекті мәселелері» атты халықаралық ғылыми-методикалық конференция өткізеді.
2017 жылдың 21 қарашасында, сағат 9:00-де, әл-Фараби атындағы ҚазҰУ кітапханасында, Алматы қаласының туристік ақпараттық орталығы, Нью-Йорк Университетінің профессоры, доктор Линн Миннаертпен бірлесіп, рекреациялық география және туризм кафедрасының қолдауымен, «Зерттеу жүргізу: туризм саласындағы зерттеу әдістері мен методологиясы» атты семинар өткізеді. Семинар қорытындысы бойынша, қатысушыларға Нью-Йорк университеті және Алматы қаласының туристік ақпараттық орталығының атынан сертификаттар беріледі.
Өтетін мекенжайы: Алматы қаласы, Әл-Фараби даңғылы 71, ҚазҰУ-дың Әл-Фараби кітапханасы
2017 жылы 16 қарашада сағат 14: 00-де ҚР Ұлттық кітапханасының Кіші залында әл-Фараби атындағы ҚазҰУ-дің ЖОО дейінгі білім беру факультеті шетелдіктердің тілдік және жалпы білім беру дайындығы кафедрасының ұйымдастыруымен Қазақстанның Халық жазушысы Әзілхан Нұршайықовтың 95 ЖЫЛДЫҚ мерейтойына арналған әдеби-шығармашылық кеш өтеді.
Әл-Фараби атындағы Қазақ ұлттық университетінің филология және әлем тілдері факультеті Сіздерді 2017 жылы 14 қарашада өтетін «Т. Әбдіковтің парасат әлемі» атты әдеби-шығармашылық кешке шақырады.
2017 жылғы 17 қараша күні сағат 10:00-де Алматы қаласында, Қазақ ұлттық университетінде (әл-Фараби даңғылы, 71/27, 4 қабат, кітапхана) «Сананың ашықтығы» атты Қазақстан халқы Ассамблеясының ІІІ халықаралық Медиа форумының жалпы отырысы өтеді.
ҚазҰУ-да "Сананың ашықтығы" III халықаралық медиа форум өтеді.
әл-Фараби атындағы ҚазҰУ кітапханасында Қазақстан Республикасы Тұңғыш Президенті - Елбасы кітапханасының «Н. Назарбаев: дәуір, тұлға, қоғам» атты көшпелі ғылыми-білім беру және мәдени-ағартушылық көрме жобасы аясында «Әлем Елбасы көзімен» атты кітап көрмесінің тұсаукесері және Қазақстан Республикасы Тұңғыш Президенті – Елбасы залының ашылуы болады.
Әл-Фараби атындағы Қазақ ұлттық университетінің негізінде құрылған Алматы қ. кәсіби даму және өзара әрекеттесу орталығы Британдық кеңеспен бірге зерттеушілердің біліктілігін арттыру бойынша Researcher Connect тренингі болады. Үш күндік Researcher Connect тренингі Әл-Фараби атындағы Қазақ ұлттық университетінде 2017 жылдың 23-25 қарашасында өтеді.
2017 жылғы 4 - 5 қараша аралығында «Нұр Отан» партиясы жанындағы «Жас Отан» Жастар қанатының ұйымдастыруымен Алматы қаласында «Нұр Отан» партиясының ауыспалы кубогіне арналған ХV Республикалық пікірсайыс турнирі өтеді. Іс-шараның ашылу рәсімі 4 қазан, сағат 11.00-де Қазақ ұлттық университетінің әл-Фараби кітапханасында өтеді.
ҚазҰУ-да Отандық кино күні жобасы аясында «Сенім жолында» фильмінің көрсетілім-талқылауы өтеді. Шараға түсірілім тобы қатысады.
