Шымкент қаласында тоғызқұмалақтан Қазақстан Республикасы кубогы үшін жарыс болып өтті.

Жарысқа Республиканың 12 облысы және Алматы қаласынан 13 команда қатысты. Аталмыш шараға әл-Фараби атындағы Қазақ ұлттық университеті студенттері де қатысты. Олар Есіркепова Арайлым (химия және химиялық технология факультеті 4-курс студенті), Нағымова Алтынгүл (Экономика және Бизнес Жоғары Мектебінің 3-курс студенті), Бостандықов Бексұлтан (Физика-техникалық факультетінің 1-курс студенті).

Жекелеген сайыста ерлер арасында (3 тақтада) әл-Фараби атындағы Қазақ ұлттық университетінің физика-техникалық факультетінің 1-курс студенті Бостандықов Бексұлтан – бірінші орынға ие болып, тоғызқұмалақтан Қазақстан Республикасының спорт шебері спорттық нормативін орындады. Бұл біздің студенттердің жаңа оқу жылындағы алғашқы үлкен жетістіктері. Жеңіс құтты болсын.

ҚазҰУ-дың Спортклубы