Жапониямен тәжірибемен алмасу

28.12.2018

Көрулер: 407

Шақыртылған шетелдік ғалымдар бағдарламасы аясында ҚазҰУ Токио шет тілдер университетінің профессорын қабылдады.

Қиыр Шығыс кафедрасында Токио шет тілдер университетінің профессоры Окада Акитоның «Жапониядағы білім беру жүйесі» тақырыбында дәрістері өткізілді.

ҚазҰУ-ға сапары барысында мейман университеттің тарихы мен халықаралық білім кеңістігіндегі жетістіктерімен танысты. «Менің Қазақстанға алғаш сапарым әл-Фараби атындағы ҚазҰУ-мен байланысты болғанына өте қуаныштымын. Университет кампусының ауқымы мен оның даму әуелеті таңқаларлық. Біз белсенді ынтымақтастықты дамытуға және де тәжірибемен алмасуға дайынбыз», - деп жапондық профессор өзінің әсерімен бөлісті.

Профессор Окада Акито Нью-Йорк университетінде (АҚШ) магистр дәрежесін алып, Оксфорд университетінде (Ұлыбритания) докторлық диссертациясын қорғаған және «Scopus» мәліметтер базасына кіретін рейтингтік басылымдарында жарияланған бірқатар ғылыми мақалалардың авторы.

 

www.kaznu.kz