Microsoft ҚазҰУ туралы бейнефильм түсірді

23.02.2018

Көрулер: 2383

 Әлемге аты әйгілі «Microsoft» компаниясы әл-Фараби атындағы ҚазҰУ-дың алдыңғы қатарлы озық IT- технологияларды енгізіп, сандық университетті сәтті құрғаны жайлы бейнеролик түсіріп, өздерінің сайттарына жариялады.

Бейнематериалда барлық тиімді бизнес процестерді автоматтандыру мен инновациялық IT-сервистерді қолданудың жарқын үлгісі көрсетілген және бұлтты қызметтің ең басты бағыттарының бірі «Microsoft Power BI» бизнес-сараптамасы жайында айтылған

«Microsoft» ҚазҰУ-дың стратегиялық әріптесі бола отырып, өзге әлемдік ЖОО-дар арасында университеттің IT технологиялар мен бұлтты сервис жұмысын тиімді қолданғанын жоғары бағалады. Компания сарапшыларының пікірінше, енгізілген сараптамалық жүйе университеттің қызметін жаңа сапалы сандық деңгейге көтерген.

Айта кету керек, өткен жылы Редмонд штаб-пәтеріндегі (АҚШ) «Microsoft Campus Connections» саммитінде ҚазҰУ ТМД елдерінің ЖОО-дары арасынан «E-campus» жобасын ұсынған жалғыз оқу орны болып, компания өкілдері мен шетелдік жоғарғы оқу орындарының қызығушылығын тудырды. Ал биыл сәуір айында ҚазҰУ Лондонда (Ұлыбритания) өтетін саммитте IT- саласындағы өз тәжірибесімен бөлісетін болады.

Бейнематериалды мына сілтеме бойынша көруге болады:

https://customers.microsoft.com/en-us/story/al-farabi-kazakh-national-university-powerbi-office365-russian-kazakhstan).

 

 

Баспасөз қызметі