Әл-Фараби атындағы ҚазҰУ-дың математика және механика ҒЗИ ғалымдары Apertium тұғырнамасы негізінде қазақ тілінен ағылшын және орыс тілдеріне аударатын машиналық тілмәштың ашық жүйесін ойлап тапты. Жоба жетекшісі – т.ғ.д., профессор У.А. Тукеев.

Бағдарлама машиналық аударма жүйесінің сөздіктеріндегі жаңа сөздердің мағынасын қалыптастыруды қамтамасыз ететін автоматтандырылған бағдарламаның түрлендіру нұсқасы болып табылады. Сондай-ақ ол қазақша-ағылшынша және қазақша-орысша тілдерінің сөздерін бір уақытта іздестіре алатын қасиетке ие.

Жоба Apertium тұғырнамасы жүйесіне қазақша-ағылшынша және қазақша-орысша екі тілді және бір тілді сөздіктің қор базалары да енгізілген. ҚазҰУ-дың математик ғалымдары қазақша-ағылшынша және қазақша-орысша қос тілдерінің морфология, лексика және синтаксистің деңгейіндегі ережелері негізінде сөздіктің қор базасын жасап қана қоймай,  бұл тілдердің лексикалық таңдауының шешімін табатын моделі мен алгоритмін де ойлап шығарды.                                            

                                                                                                                                                                                                                                                                                nauka.kz