Әл-Фараби атындағы ҚазҰУ колледж оқушыларының кәсіптік тәжірибе оқу процесінің құрамдас бөлігі болып табылады.
Кәсіптік тәжірибе "Білім туралы" Қазақстан Республикасының Заңына, техникалық және кәсіптік білімнің мемлекеттік жалпыға міндетті стандартына (МЖМБС), Қазақстан Республикасының білім беруді және ғылымды дамытудың мемлекеттік бағдарламаларына, техникалық және кәсіптік білімнің (ТжКБ) білім беру бағдарламаларын іске асыратын білім беру ұйымдары қызметінің үлгілік қағидаларына сәйкес жүргізіледі. Кәсіптік практиканы ұйымдастыру және өткізу қағидаларын және практика базалары ретінде ұйымдарды айқындау қағидаларын басшылыққа алады. ҚР БҒМ 2016 жылғы 29 қаңтардағы № 107 бұйрығы.
Әл-Фараби атындағы ҚазҰУ колледж оқушыларының кәсіптік тәжірибесі оқу процесінің құрамдас бөлігі болып табылады. 
Тәжірибедегі оқытудың мақсаттары: білімалушылардың ТжКБ мамандықтары бойынша кәсіптік қызметтің барлық түрлерін кешенді игеруі, теориялық оқыту процесінде оқушылардың алған білімдерін бекіту, тереңдету және жүйелеу, оқытылатын мамандық бойынша қажетті практикалық біліктіліктері мен дағдыларын дағдыландыру, сондай-ақ оларды еңбек ұжымындағы қызметке тарту.
Тәжірибелік оқыту түрлері:
Оқу;
Өндірістік;
Диплом алды;
Кәсіптік тәжірибенің түрлері, мерзімдері, көлемі мен мазмұны стандарттармен, үлгілік және жұмыс оқу жоспарларымен және бағдарламалармен айқындалады. 
Кәсіптік тәжірибе бағдарламасы тәжірибе базасы ретінде айқындалған кәсіпорындармен (мекемелермен, ұйымдармен) келісіледі және оқу орнының басшысы бекітеді. 
Кәсіптік тәжірибе білікті мамандарды даярлау жөніндегі оқу процесінің маңызды бөлігі болып  табылады және меншіктің әр түрлі нысандары мен қызмет салаларының кәсіпорындарында (ұйымдарында) жүргізіледі. 
Кәсіптік тәжірибе оқу процесінде алынған білімді бекітуге, тәжірибелік дағдыларды игеруге және озық тәжірибені игеруге бағытталған. 
Кәсіптік тәжірибе бағдарламасы өз мазмұны бойынша мамандықтың бейінін, тәжірибе түрінің  ерекшелігін, кәсіптік стандарттар мен білім беру бағдарламасының талаптарын, ұйым қызметінің, технологиялық процестің және тәжірибе объектісінің сипатын көрсетеді.
Кәсіби тәжірибе бағдарламасы мезгіл-мезгіл жаңартылып отырады және ғылым мен техниканың заманауи жетістіктерін, тәжірибе негізінде қолданылатын инновациялық технологияларды көрсетеді.
Оқу тәжірибесі
Оқу тәжірибесінің мақсаты білімалушыны колледж қызметінің бағыттарымен, білім беру бағдарламаларымен, оқытылатын мамандықпен, болашақ кәсіби қызметтің түрлерімен, функцияларымен және міндеттерімен таныстыру болып табылады.
Оқу тәжірибесінің базалары: оқу шеберханалары, зертханалар, сондай-ақ болашақ кәсіби қызметке сәйкес келетін ұйымдар болып табылады.
Оқу тәжірибесінің мазмұны ТжКБ МЖБС кәсіптік модульдерінің әрқайсысы бойынша оқыту нәтижелеріне қойылатын талаптарды негізге ала отырып айқындалады және оқу практикасының жұмыс бағдарламаларында ашылады. 
Өндірістік тәжірибе
Өндірістік тәжірибесінің мақсаты: оқыту процесінде алынған теориялық білімді тәжірибеде бекіту, оларды тереңдету және кәсіби қызметте практикалық жұмыс дағдыларын дамыту, біліктілік сипаттамасына сәйкес кәсіби қасиеттерді қалыптастыру.
Өндірістік тәжірибе мамандықтардың оқу жұмыс жоспарында қарастырылған. Күндізгі оқу бөлімінің студенттері үшін тәжірибе мерзімі оқу процесінің күнтізбелік кестесінде көрсетілген. 
Өндірістік тәжірибенің жұмыс бағдарламасын пәндік-циклдік комиссия әзірлейді және оны колледж директоры бекітеді. 
Өндірістік тәжірибеге және оның мазмұнына қойылатын талаптарды техникалық және кәсіптік білім берудің МЖМБС айқындайды. 
Өндірістік тәжірибе жұмыс бағыты студенттердің болашақ кәсіби қызметімен байланысты әр түрлі кәсіпорындар негізінде жүзеге асырылады. 
Өндірістік тәжірибені ұйымдастыруға және басқаруға жауапкершілік тәжірибе жетекшісіне жүктеледі.
Өндірістік тәжірибе жетекшісінің міндеттері:
дайындалатын мамандардың бейіні бойынша жұмыс істеп тұрған кәсіпорындармен және ұйымдармен байланыс орнату;
нақты кәсіпорындармен және ұйымдармен өндірістік тәжірибеден өту туралы шарттарды дайындау;
студенттердің тәжірибеден өту орындарын уақытылы дайындау;
тәжірибеге тапсырмалар дайындау; 
өндірістік тәжірибенің жүргізілуін бақылау және есепке алу.
 Диплом алды тәжірибе
Диплом алды тәжірибесінің мақсаты:
кәсіби пәндер саласындағы теориялық білімді тереңдету және бекіту;
мамандық бойынша тәжірибе мен дағдыларды игеру;
дипломдық жобаны (жұмысты) орындау үшін бастапқы материалдарды жинау және жүйелеу.
тәжірибеге қатысу;
материалды жинау;
есеп жазу;
тапсырмаларды уақытылы орындау;